టీమ్ ఇండియాకు అచ్చొచ్చిన స్టేడియం మొహాలీ!!
భారత ఉప ఖండంలో జరుగుతున్న ఐసీసీ ప్రపంచ కప్ టోర్నీ చివరి దశకు చేరుకుంది. మరో క్వార్టర్ ఫైనల్, రెండు సెమీస్ మ్యాచ్‌లు మాత్రమే మిగిలివున్నాయి. ఈ మ్యాచ్‌లో రెండో సెమీ ఫైనల్‌కు పంజాబ్ రాష్ట్రంలోని మొహాలీ క్రికెట్ స్టేడియం ఆతిథ్యం ఇవ్వనుంది. పంజాబ్ క్రికెట్ స్టేడియాన్నే మొహాలీ స్టేడియంగా పిలుస్తారు. అత్యంత అధునాతనమైన స్టేడియం మాత్రమే కాకుండా, ప్రేక్షకులు ఎక్కువ మంది తిలకించే రెండో అతిపెద్ద స్టేడియంగా స్టేడియంగా కూడా దీనికి గుర్తింపుంది. ఈ స్టేడియాన్ని మూడేళ్ళలో 25 కోట్ల రూపాయల వ్యయంతో నిర్మించారు. మొహాలీ పిచ్ పేస్ బౌలర్లకు అనుకూలిస్తుంది. 1993లో భారత్, దక్షిణాఫ్రికా జట్ల మధ్య జరిగిన హీరోహోండా కప్ నిర్వహణతో ఈ స్టేడియం వినియోగంలోకి వచ్చింది. స్టేడియంలోని సదుపాయాలు మొహాలీ స్టేడియంలో మొత్తం 16 ఫ్లడ్‌లైట్లు ఉంటాయి. ఇతర స్టేడియాల్లోని ఫ్లడ్‌లైట్లతో పోల్చుకుంటే అతితక్కువ ఎత్తులో ఇక్కడ ఫ్లడ్‌లైట్లు ఉంటాయి. అలాగే, స్మిమ్మింగ్ పూల్, టెన్నిస్ కోర్టు, ఇన్‌హౌస్ జిమ్నాజియు, డ్రెస్సింగ్ రూమ్ వంటి ఇతర సౌకర్యాలు ఉన్నాయి. మొహాలీ స్టేడియాన్ని 1993లో ఏర్పాటు చేశారు. మొత్తం కెపాసిటీ 45 వేలు. స్టేడియంలో బౌలింగ్ ఎండ్‌లను పెవిలియన్ ఎండ్, సిటీ ఎండ్‌ల పేరుతో పిలుస్తారు. భారత్‌కు అచ్చొచ్చిన స్టేడియం ఇక్కడ మొత్తం 10 మ్యాచ్‌లు ఆడగా, ఇందులో అత్యధిక మ్యాచ్‌లలో భారత్ గెలిచింది. ముఖ్యంగా భారత్‌కు అచ్చొచ్చిన స్టేడియంగా పేరుంది. ఈ స్టేడియంలో అత్యధిక టెస్ట్ పరుగులు చేసిన ఆటగాడిగా రాహుల్ ద్రావిడ్ (735)కు గుర్తింపుపొందాడు. వన్డేల్లో సచిన్ టెండూల్కర్ (281), టెస్టుల్లో వ్యక్తిగత అత్యధిక పరుగుల రికార్డు గౌతం గంభీర్ (179) మీద ఉంది. వన్డేల్లో యూనస్ ఖాన్ (117) పేరిట నమోదైవుంది. టెస్టుల్లో అనిల్ కుంబ్లే 36 వికెట్లు తీయగా, ఒక టెస్ట్ మ్యాచ్‌లో ఆరు వికెట్లు పడగొట్టిన బౌలర్‌గా డియాన్ నాష్‌ ఉండగా, వన్డేల్లో బెస్ట్ బౌలింగ్ గణాంకాలను మఖయా ఎన్తి (5/21) నమోదు చేసుకున్నాడు.
