షోయబ్ అక్తర్.. డాన్ ఆఫ్ క్రికెటా.. ఈ వీడియోలు చూడు..
పాకిస్థాన్ పేస్ బౌలర్ షోయబ్ అక్తర్ తనకు తానుగా డాన్ ఆఫ్ క్రికెట్‌గా చెప్పుకున్నాడు. సాధారణంగా డాన్ ఆఫ్ క్రికెట్‌గా ఆస్ట్రేలియా లెజెండ్ డాన్ బ్రాడ్‌మన్‌ను పిలుస్తారు.
పాకిస్థాన్ పేస్ బౌలర్ షోయబ్ అక్తర్ తనకు తానుగా డాన్ ఆఫ్ క్రికెట్‌గా చెప్పుకున్నాడు. సాధారణంగా డాన్ ఆఫ్ క్రికెట్‌గా ఆస్ట్రేలియా లెజెండ్ డాన్ బ్రాడ్‌మన్‌ను పిలుస్తారు. కానీ షోయబ్ ప్రస్తుతం సోషల్ మీడియా వేదికగా తనను తాను అలా చెప్పుకున్నాడు. అంతేగాకుండా తన ఫోటోలను పోస్ట్ చేశాడు. కెరీర్‌లో తన అద్భుతమైన ఘట్టాలను ఆ ఫోటోల ద్వారా క్రికెట్ ప్రపంచానికి చూపెట్టాడు.
అయితే షోయబ్ అక్తర్ చేసిన ట్వీట్‌పై అభిమానులు ఫైర్ అవుతున్నారు. షోయబ్ అక్తర్‌కు అంత సీన్ లేదని కొట్టిపారేస్తున్నారు. అంతటితో ఆగలేదు. 2003లో ప్రపంచ కప్‌లో భాగంగా మాస్టర్ బ్లాస్టర్ సచిన్ టెండూల్కర్ అతని బౌలింగ్‌ను చీల్చి చెండాడిన వీడియోలను పోస్ట్ చేశారు. కావాలంటే ఈ వీడియో చూడాల్సిందిగా కామెంట్లు పెట్టారు.
ఆ మ్యాచ్‌లో షోయబ్ అక్తర్‌తోపాటు వసీం అక్రమ్, వకార్ యూనిస్‌లాంటి బౌలర్లను సచిన్ ఆటాడుకున్నాడు.. కేవలం 75 బాల్స్‌లో 98 పరుగులు సాధించి జట్టును గెలిపించాడు.
