రాంచీలో ఆసీస్ బౌలర్లను కోహ్లీ ఉతికి ఆరేయడం ఖాయం : ఆస్ట్రేలియా మాజీ కెప్టెన్ క్లార్క్
భారత క్రికెట్ జట్టు కెప్టెన్ విరాట్ కోహ్లీపై ఆస్ట్రేలియా మాజీ కెప్టెన్ మైకేల్ క్లార్క్ ప్రశంసల వర్షం కురిపించాడు. ముఖ్యంగా ప్రస్తుతం ఆస్ట్రేలియా, భారత్ జట్ల మధ్య జరుగుతున్న టెస్ట్ సిరీస్‌లో భాగంగా, మూ
భారత క్రికెట్ జట్టు కెప్టెన్ విరాట్ కోహ్లీపై ఆస్ట్రేలియా మాజీ కెప్టెన్ మైకేల్ క్లార్క్ ప్రశంసల వర్షం కురిపించాడు. ముఖ్యంగా ప్రస్తుతం ఆస్ట్రేలియా, భారత్ జట్ల మధ్య జరుగుతున్న టెస్ట్ సిరీస్‌లో భాగంగా, మూడో టెస్ట్ మ్యాచ్ జార్ఖండ్ రాష్ట్రంలోని రాంచీలో జరుగనుంది. ఈ మ్యాచ్‌లో కోహ్లీ పరుగుల దాహం తీర్చుకుంటారని క్లార్క్ జోస్యం చెప్పాడు.
ఆస్ట్రేలియాతో జరిగిన గత రెండు టెస్టుల్లో కోహ్లి బ్యాటింగ్‌లో విఫలమైన సంగతి తెలిసిందే. ప్రముఖ ఆంగ్ల పత్రికకు ఇచ్చిన ఇంటర్వ్యూలో భారత్, ఆసీస్ టెస్ట్ సిరీస్ గురించి పలు ఆసక్తికరమైన విషయాలను క్లార్క్ వెల్లడించాడు. ఈ సీరిస్‌ను తామే గెలుస్తామన్న క్లార్క్... సిరీస్ చివరివరకూ హోరాహోరీ పోరు తప్పదన్నారు.
రాంచీ టెస్టులో గెలుపు ఇరు జట్లకు కీలకమన్న క్లార్క్ తన మద్దతు ఎప్పూడు ఆసీస్‌కే ఉంటుందన్నాడు. ఈ సిరీస్‌ను ఆసీస్ 2-1తో గెలుచుకుంటుందని జోస్యం చెప్పాడు. అలాగే, బెంగుళూరు టెస్ట్‌లో డ్రెస్సింగ్ రూం రివ్యూ వివాదానికి ఇరు జట్ల కెప్టెన్లు స్వస్తి చెప్పి తదుపరి మ్యాచ్‌పై దృష్టిసారించాలని క్లార్క్ పేర్కొన్నాడు.
