దుబాయ్ వేదికగా జరుగుతున్న ఐసీసీ ట్వంటీ20 ప్రపంచ కప్ ఫైనల్ పోటీల్లో విశ్వవిజేతగా ఆస్ట్రేలియా జట్టు నిలించిది. ఈ మ్యాచ్‌లో తన ప్రత్యర్థి న్యూజిలాండ్ జట్టు తమ ముందు ఉంచిన 173 పరుగుల విజయలక్ష్యాన్ని అలవోకగా ఛేదించింది. మరో ఏడు బంతులు మిగిలివుండగానే 2 వికెట్లను కోల్పోయి 173 పరుగులు చేసింది. ఫలితంగా మరోమారు పొట్టి క్రికెట్‌లో విశ్వవిజేతగా నిలిచింది.
ఆసీస్ ఆటగాళ్లలో ఓపెనర్ డేవిడ్ వార్నర్ 77 నాటౌట్ (4 సిక్స్‌లు, 6 ఫోర్లు), ఆరోన్ ఫించ్ 5 (1 ఫోర్), మిచెల్ మార్ష్ 61 (4 ఫోర్లు, 4 సిక్స్‌లు), గ్లెన్ మ్యాక్స్వెల్ 28 (4 ఫోర్లు, 1 సిక్స్) చొప్పున పరుగులు చేయడంతో కేవలం 2 వికెట్లను మాత్రమే కోల్పోయి విజయాన్ని కైవసం చేసుకుంది. అదనపు పరుగుల రూపంలో పది రన్స్ వచ్చాయి. ఫలితంగా మరో 7 బంతులు మిగిలివుండగానే లక్ష్యాన్ని చేరుకుని మరోమారు పొట్టి క్రికెట్‌లో విశ్వవిజేతగా నిలిచింది.
అంతకుముందు. టాస్ ఓడిన కివీస్ జట్టు తొలుత బ్యాటింగ్ చేసిన నిర్ణీత 20 ఓవర్లలో 4 వికెట్లకు 172 పరుగుల భారీ స్కోరు సాధించింది. కెప్టెన్ కేన్ విలియమ్సన్ 48 బంతుల్లోనే 85 పరుగులు చేయడం విశేషం.
విలియమ్సన్ 10 ఫోర్లు, 3 సిక్సర్లు బాదాడు. ఆసీస్ ప్రధాన బౌలర్ మిచెల్ స్టార్క్ విసిరిన ఇన్నింగ్స్ 16వ ఓవర్లో విలియమ్సన్ విశ్వరూపం ప్రదర్శించాడు. ఆ ఓవర్లో 4 ఫోర్లు, 2 సిక్సులు కొట్టాడు.
ఇక ఓపెనర్ మార్టిన్ గప్టిల్ 28, గ్లెన్ ఫిలిప్స్ 18, జేమ్స్ నీషామ్ 13 (నాటౌట్) పరుగులు చేశారు. ఆసీస్ బౌలర్లలో హేజెల్ వుడ్ 3, జంపా 1 వికెట్ తీశారు. స్టార్క్ దారుణంగా బౌలింగ్ చేసి 4 ఓవర్లలో 60 పరుగులు సమర్పించుకున్నాడు.
ఇరు జట్ల వివరాలు..
న్యూజిలాండ్: మార్టిన్ గప్తిల్, డారిల్ మిచెల్, కేన్ విలియమ్సన్ (కెప్టెన్), టిమ్ సీఫర్ట్ (వికెట్ కీపర్), గ్లెన్ ఫిలిప్స్, జేమ్స్ నీషమ్, మిచెల్ సాంట్నర్, ఆడం మిల్నే, టిమ్ సౌథీ, ఇష్ సోధీ, ట్రెంట్ బౌల్ట్.
ఆస్ట్రేలియా: డేవిడ్ వార్నర్, ఆరోన్ ఫించ్ (కెప్టెన్), మిచెల్ మార్ష్, స్టీవ్ స్మిత్, గ్లెన్ మ్యాక్స్వెల్, మార్కస్ స్టోయినిస్, మ్యాథ్యూ వేడ్, ప్యాట్ కమిన్స్, మిచెల్ స్టార్క్, ఆండం జంపా, జోష్ హేజిల్వుడ్.
