పొట్టి ఫార్మాట్‌లో పాకిస్థాన్ సరికొత్త చరిత్ర సృష్టించింది. వెస్టిండీస్‌తో జరిగిన తొలి టీ20లో పాకిస్థాన్ 63 పరుగుల తేడాతో ఘన విజయం సాధించింది. ఈ ఏడాది మొత్తం 18 టీ20 మ్యాచ్‌లు గెలుపొందం ద్వారా ఈ ఘనత సాధించిన తొలి జట్టుగా నిలిచింది.
ఇంతకుముందు 2018లో (ఒక క్యాలెండర్‌ ఇయర్‌లో) అత్యధికంగా 17 టీ20లు గెలుపొందిన ఆ జట్టు ఇప్పుడు దాన్ని తిరగరాసింది. దీంతో తన రికార్డును తానే బ్రేక్‌ చేసింది.
కరాచి వేదికగా సోమవారం జరిగిన ఈ మ్యాచ్‌లో తొలుత టాస్‌ ఓడి బ్యాటింగ్‌ చేసిన పాకిస్థాన్ నిర్ణీత ఓవర్లలో 6 వికెట్ల నష్టానికి 200 పరుగుల భారీ స్కోర్‌ సాధించింది.
రిజ్వాన్‌ (78), హైదర్‌ అలీ (68) అర్ధశతకాలతో రాణించారు. చివర్లో నవాజ్‌ (30) మరింత ధాటిగా ఆడి జట్టుకు తిరుగులేని స్కోర్‌ అందించాడు. అనంతరం బ్యాటింగ్‌ ఆరంభించిన విండీస్‌ 19 ఓవర్లకు 137 పరుగులు చేసి ఆలౌటైంది.
