కైలాస దేశాన్ని ఏర్పాటు చేశానన్న నిత్యానంద.. వీసా ఎలా తీసుకోవాలి స్వామి..

బుధవారం, 4 డిశెంబరు 2019 (17:09 IST)
వివాదాస్పద స్వామి నిత్యానంద స్వామికి భారత క్రికెటర్ రవిచంద్రన్ అశ్విన్ తేరుకోలేని కౌంటరిచ్చారు. కైలాశ దేశానికి వీసా ఎలా తీసుకోవాలంటూ ప్రశ్నించారు. ఇంతకీ నిత్యానందను టార్గెట్ చేస్తూ అశ్విన్ ఎందుకు కౌంటర్ వేశారో పరిశీలిద్ధాం. 
 
ఇటీవల ఓ కార్యక్రమంలో పాల్గొన్న నిత్యానంద స్వామి... తాను కైలాస దేశాన్ని ఏర్పాటు చేశానంటూ వ్యాఖ్యానించారు. ఈ వ్యాఖ్యలు ఇపుడు వివాదాస్పదంగా మారాయి. ఈ వార్తను విన్న ప్రతి ఒక్కరూ ఆశ్చర్యానికి లోనవుతున్నారు. 
 
పైగా, కరీబియన్ దీవుల సమీపంలో ఓ చిన్న దీవిని కొనుగోలు చేసిన నిత్యానంద... ప్రపంచంలోనే ఏకైక హిందూ దేశంగా తన దీవిని పేర్కొన్నారు. ఆ దేశానికి ఒక జెండా, రాజ్యాంగం, అధికారం చిహ్నాన్ని కూడా విడుదల చేశారు. తన దేశంలో ప్రధానితో పాటు చిన్నసైజు కేబినెట్ కూడా ఉందని చెప్పారు. విరాళాలను ఇవ్వడం ద్వారా తన దేశ పౌరసత్వాన్ని పొందవచ్చని తెలిపారు.
 
ఈ వ్యాఖ్యలపై క్రికెటర్ రవిచంద్రన్ అశ్విన్ సెటైరికల్ ట్వీట్ చేశారు. 'కైలాస దేశానికి వీసా పొందడానికి ప్రొసీజర్ ఏమిటి? వీసా ఆన్ అరైవల్ సదుపాయం ఉందా?' అంటూ వ్యంగ్యంగా ప్రశ్నించారు. మరి అశ్విన్‌ ప్రశ్నకు నిత్యానంద అనుచరులు ఏ విధంగా సమాధానిమిస్తారో వేచిచూడాలి. 

వెబ్దునియా పై చదవండి

తర్వాతి కథనం కాస్త బరువు పెరిగినా మీరు గర్భవతా? అంటారు.. శరీరాకృతిపై ఏంటీ డర్టీ కామెంట్స్!