వెస్టిండీస్ క్రికెటర్ క్రిస్ గేల్‌కు తొలి షాక్ తగిలింది. గతంలో బిగ్ బాష్ లీగ్‌లో యాంకర్ వద్ద అభ్యంతరకర వ్యాఖ్యలు చేయడంతో పాటు తాజాగా బ్రిటిష్ జర్నలిస్టు చార్లలొట్‌కు ఇంటర్వ్యూ ఇస్తూ డబుల్ మీనింగ్ డైలాగులతో దుమారం రేపిన క్రిస్ గేల్‌ను మెల్ బోర్న్ రెనిగేడ్స్ వచ్చే ఏడాది బిగ్ బాష్ లీగ్ కాంట్రాక్టును పునరిద్ధరించకూడదని నిర్ణయించినట్లు తెలుస్తోంది.
యాంకర్ వద్ద మందు కొడదాం రమ్మని అడిగిన కారణంగా క్రిస్ గేల్ మ్యాచ్ ఫీజులో కోత విధించిన బిగ్ బాష్ లీగ్ యాజమాన్యం.. మారని అతని వైఖరి కారణంగా అతనిని బిగ్ బాష్‌లోనే కాకుండా ఇంగ్లీష్ కౌంటీల్లో కూడా గేల్‌ను తీసుకోకూడదని మీడియాలో వార్తలొస్తున్నాయి.
డబుల్ మీనింగ్ కామెంట్స్ చేయడంతో పాటు ఆత్మకథలో ఫ్లింటాప్ వంటి వారికి విమర్శలు గుప్పించడంతో ఈ నిర్ణయానికి వచ్చినట్లు సమాచారం బీసీసీఐ కూడా గేల్‌పై చర్యలు తీసుకునే దిశగా ప్లాన్ చేస్తున్నట్లు సమాచారం. మరి ఈ వివాదంపై క్రిస్ గేల్ ఎలా స్పందిస్తాడో వేచి చూడాలి.
