అంతర్జాతీయ క్రికెట్‌కు గుడ్ బై చెప్పిన తరువాత క్రీడలపై ఉన్న మక్కువతో గోల్ఫ్ వైపు వెళ్ళానని తెలియజేశాడు వరల్డ్ క్లాసిక్ క్రెకెటర్ బ్రియన్ లారా. ప్రస్తుతం హైదరాబాదులో ఉన్న లారా మీడియాతో మాట్లాడాడు. ప్రపంచ వ్యాప్తంగా ఎక్కడ గోల్ఫ్ టోర్నీ జరిగినా ఎంతో ఆసక్తితో పాల్గొంటున్నానని తెలియజేశాడు.
ఈమధ్య కాలంలో జరిగిన వెస్టిండీస్, ఇండియా టూర్లో వెస్టిండీస్ జట్టు ఆటతీరు చూసి వెస్టిండీస్ క్రికెటర్‌గా కాస్త నిరాశకు గురయ్యానని, అయితే వెస్టిండీస్ టీంలో యంగ్ ప్లేయర్స్ కొందరు బాగా రాణిస్తున్నారన్నాడు. వెస్టిండీస్ క్రికెట్ బోర్డ్ వాళ్లకు క్రీడా సదుపాయాలు కల్పించి యువ క్రికెటర్లను ప్రోత్సహించాలన్నాడు.
టీం ఇండియా నిలకడ ఆటతీరును ప్రదర్శి స్తుందని రానున్న వరల్డ్ కప్ ఫైనల్‌కు ఇండియా వస్తుందని ఆశాభావం వ్యక్తం చేశాడు. ఇండియా-ఇంగ్లడ్ జట్ల మధ్య ప్రపంచ కప్ ఫైనల్ మ్యాచ్ చూడాలని ఉందని తెలిపాడు బ్రియన్ లారా.
