బెంగళూరులోని చిన్నస్వామి స్టేడియంలో తొక్కిసలాట చోటు చేసుకుంది. అభిమానం అదుపుతప్పడంతో బెంగళూరులోని చిన్నస్వామి స్టేడియం వద్ద తొక్కిసలాట చోటుచేసుకుంది. ఆరుగురు ఆర్సీబీ అభిమానులు మృతి చెందినట్లు సమాచారం. చిన్నస్వామి స్టేడియంలో జరగనున్న విజయోత్సవ వేడుకలకు భారీగా అభిమానులు తరలిరావడంతో, తొక్కిసలాట జరిగి ఆరుగురు అభిమానులు మృతి మరో 25 మందికి గాయాలు అయినట్లు సమాచారం.
ఐపీఎల్‌ 2025లో భాగంగా ఆర్సీబీ ట్రోఫీ గెలవడంతో వాళ్ల హోం గ్రౌండ్‌ అయిన బెంగళూరులోని చిన్నస్వామి స్టేడియంలో బుధవారం సెలబ్రేషన్స్‌ ఏర్పాటు చేశారు. ఆర్సీబీ టీమ్‌ మొత్తం బుధవారం మధ్యాహ్నాం బెంగళూరుకు చేరుకుంది.
తమ అభిమాన ఆటగాళ్లు, టీమ్‌ ట్రోఫీతో వస్తుంటే చూసి.. వారి అభినందించేందుకు స్టేడియానికి పెద్ద సంఖ్యలో వచ్చిన అభిమానులు ఒక్కసారిగా స్టేడియంలోకి దూసుకెళ్లే ప్రయత్నం చేశారు. ఈ క్రమంలోనే తొక్కిసలాట చోటు చేసుకున్నట్లు తెలుస్తోంది.
