Select Your Language

Notifications

webdunia
webdunia
webdunia
webdunia

కోతులపై కరోనా టీకా ప్రయోగం... మరో విజయం సాధించిన ఆక్స్‌ఫర్డ్ వర్శిటీ

Advertiesment
Oxford University
, శుక్రవారం, 31 జులై 2020 (13:09 IST)
ప్రపంచాన్ని కుదిపేస్తున్న కరోనా వైరస్‌ అంతానికి ప్రపంచ దేశాలన్నీ విస్తృతంగా ప్రయోగాలు చేస్తున్నాయి. వీటిలో బ్రిటన్‌కు చెందిన ఆక్స్‌ఫర్డ్ విశ్వవిద్యాలయం అభివృద్ధి చేసిన టీకా ముందంజ వేసింది. 'సీహెచ్‌ఏడీవోఎక్స్‌1 ఎన్‌కొవ్‌-19' అనే ప్రయోగాత్మక టీకాను అభివృద్ధి చేసింది. కోతుల్లో దాని పనితీరును అమెరికాలోని జాతీయ అలర్జీ, అంటువ్యాధుల ఇన్‌స్టిట్యూట్‌, ఆక్స్‌ఫర్డ్‌ విశ్వవిద్యాలయం పరిశోధకులు పరిశీలించారు.
 
ఈ టీకాను ఆరు కోతులకు ఇచ్చి 28 రోజుల తర్వాత అవి కరోనా బారిన పడేలా చేశారు. వైరస్‌ కారణంగా వచ్చే న్యూమోనియాను ఈ టీకా‌ నిలువరించగలిగినట్లు తేల్చారు. కరోనాను ఎదుర్కొనేందుకు రోగ నిరోధక వ్యవస్థ నుంచి బలమైన ప్రతిస్పందనను ఉత్పత్తి చేసుకోగలిగిందని చెప్పారు. 
 
కోతుల్లో వైరల్‌ లోడును తగ్గించడంతో పాటు ఊపిరితిత్తులు దెబ్బతినకుండా రక్షించడంలో తాము అభివృద్ధి చేసిన టీకా ఉపయోగపడుతుందని ఆక్స్‌ఫర్డ్‌ తెలిపింది. అయినప్పటికీ కరోనా సోకకముందే దాన్ని పూర్తిగా నివారించడం మాత్రం దానికి సాధ్యం కాదనే అభిప్రాయాన్ని వ్యక్తం చేసింది. 
 
కరోనా వైరస్‌ తన స్పైక్‌ ప్రొటీన్‌ ద్వారా మనిషి కణాల్లోకి చొరబడుతుంది. జలుబు వంటి వాటిల్లోనూ అడినో వైరస్‌లోనూ ఇలాంటి ప్రొటీన్‌ ఉంటుంది. అడినోవైరస్‌ను బలహీనపర్చడం ద్వారా ఈ టీకాను అభివృద్ధి చేశారు. అన్నీ అనుకున్నట్టు జరిగితే ఈ టీకా ఆగస్టు 15వ తేదీ నాటికి అందుబాటులోకి వచ్చే అవకాశాలు ఉన్నాయి. 

Share this Story:

Follow Webdunia telugu

తర్వాతి కథనం

పిల్లల ఆన్లైన్ చదువుల కోసం మెడలో మంగళసూత్రం తాకట్టు పెట్టిన తల్లి