మీ వంటకాల్లో పోషకాలు పదిలంగా ఉన్నాయా!?
, శనివారం, 24 సెప్టెంబరు 2011 (15:07 IST)
వంటకాల్ని రుచిగా మాత్రమే కాదు.. పోషకాలు తగ్గిపోకుండా వండటం.. కూడా తెలిసుండాలి. అందుకు ఏం చేయాలంటే.. ఆకుకూరలు ఉడికించే నీళ్లలో కొద్దిగా ఆలివ్‌నూనె లేదా నిమ్మరసం వేస్తే పోషక విలువలు పోకుండా తగ్గకుండా ఉంటాయి. అంతేకాదు ఆకులు కూడా రంగును కోల్పోకుండా ఉంటాయి.కూరలు, పులుసులు, గ్రేవీలు వంటివి చేసేటప్పుడు సన్నటి మంటపై ఉంచి వండాలి. అలాగే పాత్ర మూత తప్పనిసరిగా పెట్టాలి. దానివల్ల విలువైన మాంసకృత్తులు ఆవిరి రూపంలో వృధా కాకుండా ఉంటాయి.ఏ పదార్థాలనైనా ఎక్కువ మంట మీద వండకూడదు. అతిగా వేయించడం, ఉడికించడం వల్ల పదార్థాల్లోని ఖనిజలవణాలను కోల్పోవాల్సి వస్తుంది. పులుసు, గ్రేవీల్లో వేసే కూరముక్కలను చిన్నగా కోసి వేస్తే త్వరగా ఉడుకుతాయి. పోషకవిలువలు కూడా అలాగే పదిలంగా ఉంటాయి. చాలామంది ఉల్లిపాయలను తరిగిన వెంటనే కూరల్లో వేస్తుంటారు. అయితే ఇందులో కొన్నిరకాల యాంటీఆక్సిడెంట్లు ఉంటాయి. వాటిని పొందాలంటే.. ఉల్లిపాయల్ని కోసిన పదినిమిషాల తరువాత వాడితే మేలు.నాణ్యత తక్కువగా ఉన్న పాత్రలు అంటే పెనం, బాణలి వంటివి వాడితే జీర్ణవ్యవస్థకు సంబంధించిన సమస్యలు తలెత్తుతాయి. అందుకే వంటింటి సామగ్రి విషయంలోనూ తగిన జాగ్రత్తలు తీలుకొని ఎంచుకోవాలి. అలాగే నాన్‌స్టిక్ పాత్రలు కొంటున్నప్పుడు కూడా వాటి నాణ్యతను ఒకటికి రెండుసార్లు పరీక్షించి ఆ తరువాతే వాడాలి.
