టెన్షన్ లేకుండా టైమ్ ప్రకారం వంట పనులు పూర్తి కావాలంటే!?
, మంగళవారం, 20 మార్చి 2012 (14:17 IST)
మీరు ఉద్యోగం చేస్తున్నారా..!? ఆఫీసుకు వెళ్లాలని హడావుడిలో వంటింట్లో తెగ టెన్షన్ పడతున్నారా. అలాంటి వారు మీరైతే.. ఈ చిట్కాలు పాటించండి.. వంటింట్లో మీకు ఎలాంటి టెన్షన్ ఉండదు. * ముందుగా రేపు చేయవలసిన కూరలేమిటో ఆలోచించుకొని తరిగి వుంచుకొని పాలిధిన్ కవర్‌లో పెట్టి ఫ్రిజ్‌లో పెట్టుకోవాలి.* పాల అబ్బాయి కోసం ప్రొద్దుటే ఎదురు చూడకుండా ఓ పాల ప్యాకెట్టుని ముందుగానే ఫ్రిజ్‌లో రిజర్వు చేసుకుంటే కాఫీల పని ఆలస్యం కాకుండా పూర్తి అవుతుంది.* వంటింట్లో కుళాయిలో నుండి బిందెలోకి పైప్ వేసి నీళ్ళు పట్టుకుంటే అది నిండేలోగా మరో పని చేసుకోవచ్చు.* గ్రుడ్లు ఎప్పుడూ ఇంట్లో వుంచుకోవడం మంచిది.* మీకు ఇష్టమైన ఆవకాయ లేదా నిమ్మకాయ గోంగూర మొదలైన ఊరగాయలు, నల్లకారం, కొబ్బరి కారం లాంటి పొడులు నిల్వవుంచుకోవాలి. అవసరమైనప్పుడు వాటితో సరిపెట్టుకోవచ్చు.* కొత్తిమీర, కరివేపాకు ఎప్పుడు సిద్ధంగా వుంచుకోవాలి.* వంటింట్లో తెల్లారి టెన్షన్ పడకుండా ఉండాలంటే మెలోడీ సంగీతం వింటూ పనిచేసుకోండి. * మాటిమాటికి టెన్షన్ పడకుండా ఓ పద్ధతి ప్రకారం అన్నం, కూరలు, వేపుళ్లు చేసుకుంటూ వెళ్లండి.* వండిన వంటకాల్ని అప్పుటికప్పుడే డైనింగ్ టేబుల్‌లో పద్ధతిగా అమర్చుకోండి. * ఫ్రిజ్ వాటర్‌బాటిల్స్, అన్నీ ఒకేసారి పట్టుదామని అట్టే పెట్టకుండా ఎప్పుడు బాటిల్స్ అప్పుడు నింపి పెట్టుకోండి. ఇలా చేస్తే గృహిణులైనా సరే, ఉద్యోగినులైనా సరే టెన్షన్ ఫ్రీగా వంటలు చేసుకోవచ్చు.
