కోడిగుడ్లను ఎక్కువ సేపు ఉడికించకండి.. 8-10 నిమిషాలు ఉడికితే చాలు
గుడ్డును చాలాసేపు ఉడికించకూడదు. ఎక్కువగా ఉడికిపోతే అందులోని ప్రోటీను స్వభావం మారిపోయి, అది సరిగా జీర్ణంకాదు. గుడ్డును నీళ్లు మసిలే వేడిలో 8-10 నిమిషాలు ఉడికిస్తే సరిపోతుందని ఆరోగ్య నిపుణులు అంటున్నారు
గుడ్డును చాలాసేపు ఉడికించకూడదు. ఎక్కువగా ఉడికిపోతే అందులోని ప్రోటీను స్వభావం మారిపోయి, అది సరిగా జీర్ణంకాదు. గుడ్డును నీళ్లు మసిలే వేడిలో 8-10 నిమిషాలు ఉడికిస్తే సరిపోతుందని ఆరోగ్య నిపుణులు అంటున్నారు. ఉడికించిన గుడ్డును అలాగే తినెయ్యొచ్చు. కొద్దిగా ఉప్పు, కారం, మిరియాలపొడి వంటివి చల్లుకునీ తినొచ్చు. లేదంటే కొద్దిగా నూనెవేసి దోరగా వేయించుకుని తినొచ్చు.
ముక్కలు చేసి, బ్రెడ్ మధ్యలో పెట్టుకుని తినొచ్చు. ఉడికించిన గుడ్డును బాగా మెదిపి, అందులో ఉప్పు, మిరియాల పొడి, కొద్దిగా బట్టర్ కలుపుకొని బ్రెడ్ స్లైసుల మధ్య పెట్టుకుని తినొచ్చు. ఉడికించిన గుడ్డును మసాలా కూరలు, బిర్యానీలు, టమాటా గ్రేవీ వంటివాటిలోనూ వేసుకుని తినొచ్చు. వెజిటబుల్ సాలడ్స్తో పాటుగా కూడా ఉడికించిన గుడ్డు ముక్కలు తినొచ్చు.
ఆమ్లెట్ వేసుకుందామనుకుంటే నూనె ఎక్కువగా లేకుండా, నాన్స్టిక్ పెనం మీద లేదా స్టీల్ పాత్రలో వేసుకోవటం మంచిది. ఆమ్లెట్ను బ్రెడ్ మధ్య పెట్టుకుని తినొచ్చు. గుడ్డు వండేటప్పుడు నూనె, ఉప్పు వంటివి ఎక్కువెక్కువ వెయ్యాల్సిన పని లేదు. దానిలోనే సహజంగా సోడియం, పొటాషియం వంటి లవణాలు తగుమాత్రంగా ఉంటాయి. కాబట్టి వాటిలో పెద్దగా కలపాల్సిన పని ఉండదని ఆరోగ్య నిపుణులు అంటున్నారు.