"థాయ్ రైస్ నూడుల్స్" విత్ ఫ్రైడ్ గ్రౌండ్‌నట్స్

కావలసిన పదార్థాలు :
థాయ్ రైస్ నూడుల్స్.. 200 గ్రా.
ప్యాడ్ థాయ్ సాస్.. 2 టీ.
నిమ్మ ఆకులు.. మూడు
నిమ్మగడ్డి తరుగు.. ఒక టీ.
ఎండుమిర్చి.. రెండు
పొట్టుతీసిన పల్లీలు.. వంద గ్రా.
నూనె.. 4 టీ.
ఉప్పు.. తగినంత

తయారీ విధానం :
థాయ్ రైస్ నూడుల్స్‌ను ఉప్పు కలిపిన నీటిలో వేసి ఉడికించి.. ఆపై నీరు లేకుండా వార్చుకోవాలి. బాణలిలో నూనె వేడిచేసి ఎండుమిర్చి వేసి వేయించాలి. అందులోనే నిమ్మ ఆకులు, నిమ్మగడ్డి తరుగు కూడా వేసి రెండు లేదా మూడు నిమిషాలపాటు వేయించాలి. ఆ తరువాత మంట తగ్గించి ఉడికించిన నూడుల్స్‌ను అందులో వేసి కలపాలి. తరువాత ప్యాడ్ థాయ్ సాస్‌ను కూడా వేసి బాగా కలపాలి. చివరిగా పల్లీలను వేసి ఏదేని కర్రీతో సర్వ్ చేస్తే.. థాయ్ రైస్ నూడుల్స్ రెడీ..!!