పిల్లవానికి స్నానం చేయించేముందు కావలసిన వస్తువులను ముందుగా సిద్ధం చేసుకోవాలి. బాత్ టబ్, బేబీ సోప్, మృదువైన తువ్వాలు, కాస్త దూది, పరిశుభ్రమైన న్యాపీ, నీళ్ళు సిద్ధంగా ఉంచుకోవాలి. నీళ్ళు తగినంత వేడిగా ఉంటే చాలు.
** తొలుత పిల్లవాని బట్టలు తీసేయండి. కాని న్యాపీ అలాగే ఉంచండి. దానిని తువాలులో చుట్టిపెట్టండి. దూదితో పిల్లవాని కళ్ళు, చెవులు, నోరు మరియు మెడ భాగాన్ని శుభ్రం చేయండి.
** పిల్లవాని తలను బాత్‌టబ్‌పై ఉంచండి. అతని వీపును, మెడను ఒక చేత్తో పట్టుకోండి, మరో చేత్తో అతని తలను నీటితో కడగండి ఆ తర్వాత తువాలుతో తుడవండి.
** మీరు ఏ తువాలుతో అతనిని చుట్టపెట్టివున్నారో దానిని ఊడదీయండి. న్యాపీకూడా విప్పేయండి. అతని చేతులు-కాళ్ళకు మృదువుగా కాసింత బేబీ సబ్బును రుద్దండి.
** సబ్బును రుద్దడంతో పాపాయి శరీరం జారుతుంటుంది. కాబట్టి అతని భుజాలను గట్టిగా పట్టుకోండి. అలాగే రెండో చేత్తో అతని వీపు భాగానికి కాస్త సపోర్ట్‌గా చేతిని అడ్డుపెట్టండి. తర్వాత మెల్లగా నీటిలో కూర్చోబెట్టండి.
** పిల్లవానిపై నీటిని చిలకరించి పూర్తి శరీరాన్ని కడిగివేయండి. ఆ తర్వాత పిల్లవాడ్ని బాత్‌టబ్‌నుంచి బయటకు తీసివేయండి. అతనిని ఓ తువ్వాలులో చుట్టేయండి. మరో తువ్వాలుతో శరీరాన్ని తుడవండి. ముఖ్యంగా కాళ్ళు, చేతులపై దృష్టిని సారించండి. చివరిగా బేబీక్రీమును శరీరానికి పూయండి. చివరిగా నేపీ మరియు బట్టలను తొడగండి.
