పదే పదే చెబుతుంటే పిల్లలు, పెద్దల్ని లెక్కచేస్తారా..?!
* పిల్లలకు ఏ విషయం చెప్పదలచుకున్నా ఒకటి లేదా రెండుసార్లు మాత్రమే చెబితే సరిపోతుంది. అలా కాకుండా పదే పదే చెబుతున్నట్లయితే పిల్లలు, పెద్దల్ని లెక్కచేయకపోయే అవకాశం ఉంది. పిల్లల్లోని లోపాలను ఎత్తి చూపటం కంటే, వారిలో వున్న నైపుణ్యాలను గుర్తించి అభినందిస్తే అది వారి ఎదుగుదలకు ఎంతగానో సహకరిస్తుంది.* ఇతరుల ముందు పిల్లల్ని తక్కువ చేసి మాట్లాడకూడదు. పిల్లలు తప్పు చేసిసప్పుడు నాన్న వచ్చాక నీ సంగతి చెబుతాను, అమ్మ వస్తే నీకు దెబ్బలు పడుతాయని అనటంవల్ల వారిలో ప్రేమకు బదులుగా మెల్లిగా భయం ఏర్పడుతుంది. దాంతో విషయాలను పంచుకునేందుకు ఇష్టపడరు. దాంతో తల్లిదండ్రులు-పిల్లల మధ్య క్రమంగా దూరం ఏర్పడుతుంది.* వారానికొకసారి పిల్లలతో సరదాగా ఏదైనా సినిమా లేదా ఫంక్షన్‌కి తప్పనిసరిగా వెళ్లటం మంచిది. ఇంటిపనులు, వంటపనులు చేసేటపుడు పిల్లల సహాయం తీసుకోవటం మంచిది. అలా చేస్తే వారూ నేర్చుకుంటారు, బాధ్యత తెలిసివస్తుంది. ఇక పిల్లలకు వయస్సుతోపాటు వచ్చే శారీరక మార్పుల గురించి వారికి ప్రేమగా తెలియజెప్పాలి. పిల్లల పరీక్షల సమయంలో పెద్దలు టీవీ సీరియల్స్‌ చూడడం లాంటివి మానేయటం మంచిది.
