ఇంట్లో పిల్లలు ఆనందంగా నవ్వుతుంటే ఇంటిల్లిపాది తన్మయత్వంతో ఉప్పొంగిపోతుంటారు. అదే పిల్లలు ఏడ్వడం మొదలు పెడితే...అందరూ తల్లడిల్లిపోతారు. ప్రతి తల్లిదండ్రులు పిల్లలు ఏడిస్తే తట్టుకోలేరు.
ప్రతి పిల్లవాని స్వభావం వేరువేరుగావుంటుంది. కొంతమంది పిల్లలు ఎక్కువగా ఏడుస్తుంటారు. కొంతమంది పిల్లలు పగలుపూట బాగా ఆటలాడుకుంటుంటారు. అదే రాత్రి అయ్యిందంటే ఏడ్వడం ప్రారంభిస్తారు. ఈ విధంగా పిల్లలు ఆహారం తీసుకోవడంలోనూ, ఆటలాడడంలోనూ వారికిష్టమైన రీతిలో తమ అలవాట్లను మనకు ఆపాదిస్తుంటారు. ముఖ్యంగా తల్లిదండ్రులు వారి అలవాట్లను గమనిస్తూవుండాలి. వారిని గమనిస్తూవుంటే పిల్లలు ఎందుకు ఏడుస్తున్నారో అర్థమౌతుందంటున్నారు పరిశోధకులు.
పిల్లలు ఏడ్వడానికిగల కారణాలు :-
** పిల్లల్లో శారీరక బాధలేవైనా ఏర్పడినప్పుడు వారు తరచూ ఏడుస్తుంటారు.
** వారికి నిద్ర సరిపోకపోతే కూడా ఏడ్వడం మొదలుపెడతారు.
** ఆకలి వేసినప్పుడుకూడా వారు అధికంగా ఏడుస్తుంటారు.
** బహుశా ఏదైనా పురుగు కుట్టినాకూడా వారు ఏడుస్తారు.
** కడుపులో నొప్పి అధికమైనప్పుడుకూడా వారు ఏడ్వడం మొదలుపెడతారు.
పిల్లలు ఏడిస్తే తీసుకోవలసిన జాగ్రత్తలు :-
** పిల్లవానికి ఆకలిగావుంటే వెంటనే పాలు తాగిపించండి.
** పిల్లలకు నిద్రవచ్చేటట్టయితే వారిని భుజంపై వేసుకుని అటూ-ఇటూ తిరగండి.
** పిల్లలు విపరీతంగా ఏడ్వడం మొదలుపెట్టినప్పుడు వారిని ఏదైనా పురుగు కుట్టిందేమో ఒకసారి వారి శరీరాన్ని గమనించండి.
** పిల్లలు ఆడుతూ...ఆడుతూ ఏదైనా నోట్లో వేసుకున్నాడేమో గమనించండి.
** విపరీతంగా ఏడ్వడం మొదలుపెడితే వెంటనే వైద్యుడ్ని సంప్రదించండి.
