క్రిమినాలజీ అండ్ పోలీస్ సైన్స్‌లో గౌరవ డాక్టరేట్ చేయాలని తమ పేర్లను నమోదు చేసుకున్న వారికి బ్యూరో ఆఫ్ పోలీస్ రీసెర్చ్ అండ్ డెవలప్‌మెంట్ (బీపీఆర్‌డీ) ఫెలోషిప్ అందజేయనుంది. ఇందుకోసం దరఖాస్తులను ఆహ్వానిస్తోంది.
మొత్తం ఫెలోషిప్‌లు ఆరు ఉన్నాయి. దీని కింద మొదటి రెండేళ్లు నెలకు రూ.8000, మూడో ఏడాది నెలకు రూ.9000తో పాటు కాంటిజెన్సీ గ్రాంట్ కింద ఏడాదికి రూ.10,000, డిపార్ట్‌మెంటల్ అసిస్టెన్స్ కింద ఏడాదికి రూ.3,000 అందించనున్నారు.
దీనికి అర్హతగా క్రిమినాలజీ, సోషియాలజీ, సోషల్ వర్క్, సైకాలజీ, సోషల్ ఆంత్రోపాలజీ, పబ్లిక్ అడ్మినిస్ట్రేషన్, పొలిటికల్ సైన్స్, లా, పోలీస్ అడ్మినిస్ట్రేషన్‌ల్లో దేనిలోనైనా 55 శాతం మార్కులతో మాస్టర్ డిగ్రీ ఉత్తీర్ణులై ఉండాలి.
అలాగే, జాతీయ స్థాయిలో నిర్వహించే నెట్ లేదా రాష్ట్ర స్థాయిలో నిర్వహించే స్లెట్ పరీక్షల్లో క్వాలిఫై అయినవారికి ప్రాధాన్యం. ఏదైనా భారతీయ యూనివర్సిటీలో పీహెచ్డీ చేయడానికి పేరు నమోదు చేసుకుని ఉండాలి. చేసిన దరఖాస్తులను ది డెరైక్టర్, జనరల్ బ్యూరో ఆఫ్ పోలీస్ రీసెర్చ్ అండ్ డెవలప్‌మెంట్, మినిస్ట్రీ ఆఫ్ హోం అఫైర్స్, బ్లాక్ నెంబర్-11, ఫోర్త్ ఫ్లోర్, సీజీఓ కాంప్లెక్స్, లోధీ రోడ్, న్యూఢిల్లీ-110003కి జులై పదో తేదీలోపు పంపాల్సి ఉంటుంది.
