కేంద్ర సాయుధ పోలీసు బలగాల్లో (సీఏపీఎఫ్) 9,99,795 పోస్టులు మంజూరు కాగా ఏటా వివిధ గ్రేడుల్లో పది శాతం ఖాళీలు ఏర్పడుతున్నాయని కేంద్ర హోం మంత్రిత్వ శాఖ స్పష్టం చేసింది.
ప్రస్తుతం సీఆర్‌పీఎఫ్‌లో 22,980 ఖాళీలు, బీఎస్ఎఫ్‌లో 21,465, సీఐఎస్ఎఫ్‌లో 10,415, ఎస్ఎస్‌బీలో 18,102, ఐటీబపీలో 6643, అస్సాం రైఫిల్స్‌లో 4432 పోస్టులు ఖాళీగా ఉన్నాయని తెలిపింది.
ఖాళీగా ఉన్న ఈ పోస్టులను భర్తీ చేయడానికి కేంద్ర ప్రభుత్వం వెంటనే చర్యలు చేపడుతుందని పేర్కొంది. నిబంధనలకు లోబడి నియామకాలు చేపట్టనున్నట్లు తెలిపింది.
ఇదే అంశమై నిరుద్యోగులు చాలా కాలంగా ఆత్రుతగా వేచి చూస్తున్నారు. అయితే ఈ ఉద్యోగాల నియామక ప్రక్రియకు మరింత సమయం పట్టవచ్చని కొంత మంది నిరుద్యోగులు భావిస్తున్నారు.
