Select Your Language

Notifications

webdunia
webdunia
webdunia
webdunia
Advertiesment

త్వరలోనే జెఈఈ మెయిన్స్ అడ్మిట్ కార్డులు

jee exam
, ఆదివారం, 26 మార్చి 2023 (17:35 IST)
దేశంలోని ప్రఖ్యాత విద్యా సంస్థల్లో ఇంజినీరింగ్‌ కోర్సుల్లో ప్రవేశాలకు నిర్వహించే జేఈఈ మెయిన్‌ సెషన్‌-2కు సంబంధించి అడ్మిట్‌ కార్డులను నేషనల్‌ టెస్టింగ్‌ ఏజెన్సీ త్వరలోనే విడుదల చేయనున్నట్టు ప్రకటించింది. వచ్చే నెల 6 నుంచి 12 తేదీల మధ్య జరిగే ఈ పరీక్షలకు ఈ వారం రోజుల్లోనే అడ్మిట్‌ కార్డులను విడుదల చేయనున్నట్టు అధికారులు తాజాగా వెల్లడించారు. 
 
జేఈఈ మెయిన్‌ (సెషన్‌ 2) పరీక్ష కోసం అభ్యర్థులు ఫిబ్రవరి 8 నుంచి మార్చి 12వరకు ఆన్‌లైన్‌లో రిజిస్ట్రేషన్లు చేసుకున్న విషయం తెలిసిందే. అడ్మిట్‌ కార్డులతో పాటు పరీక్షలకు సంబంధించిన సమాచారం కోసం తమ అధికారిక వెబ్‌సైట్‌ jeemain.nta.nic.in, nta.ac.inలలో ఎప్పటికప్పుడు చెక్‌ చేసుకోవాలని అధికారులు సూచించారు. 
 
ఈ అడ్మిట్ కార్డులను డౌన్ చేసుకోవాలంటే... jeemain.nta.nic.in వెబ్ సైట్‌ను క్లిక్ చేయాల్సివుంటుంది. హోం పేజీలో జేఈఈ మెయిన్‌ అడ్మిట్‌ కార్డు 2023 సెషన్‌-2కు సంబంధించిన లింక్‌పై క్లిక్‌ చేయాలి. మీ అప్లికేషన్‌ నంబర్‌, పుట్టిన తేదీ వివరాలతో లాగిన్‌ అవ్వాలి.
 
జేఈఈ మెయిన్‌ అడ్మిట్‌ కార్డు స్క్రీన్‌పై కనబడుతుంది. ఆ తర్వాత దాన్ని డౌన్‌లోడ్‌ చేసుకోవచ్చు. ఓ కాపీని ప్రింటవుట్‌ తీసుకుని పెట్టుకోవాలి. కార్డుపై మీరు పరీక్ష రాసే నగరం పేరు, ఇతర వివరాలన్నీ ఉన్నాయో, లేదో సరిచూసుకోండి. ఏదైనా సమస్య ఉంటే [email protected]. ద్వారా ఎన్‌టీఏకు ఇ-మెయిల్‌ చేయాల్సివుంటుంది. 

Share this Story:

Follow Webdunia telugu

తర్వాతి కథనం

అయవదానానికి ప్రతి ఒక్కరూ ముందుకు రావాలి : ప్రధాని మోడీ