భారతదేశంలో అతిపెద్ద ప్యూర్-ప్లే క్రెడిట్ కార్డ్ జారీదారు అయిన SBI కార్డ్, దేశంలోని అతిపెద్ద రిటైల్ ఫార్మసీ నెట్‌వర్క్‌ను నిర్వహించే అపోలో హెల్త్‌కో, అలాగే ప్రముఖ ఓమ్ని-ఛానల్ డిజిటల్ హెల్త్ ప్లాట్‌ఫామ్ అపోలో 24/7 తమ వ్యూహాత్మక భాగస్వామ్యాన్ని విస్తరించాయి. ఈ భాగస్వామ్య ఫలితంగా, ఆరోగ్య, సంరక్షణపై ప్రత్యేకంగా దృష్టి సారించిన సహ-బ్రాండెడ్ క్రెడిట్ కార్డ్ - అపోలో SBI కార్డ్ సెలెక్ట్ కార్డ్ ను ప్రారంభించాయి. నేటి ఆరోగ్య స్పృహ కలిగిన వినియోగదారుల అభివృద్ధి చెందుతున్న అవసరాలను తీర్చడానికి ఈ ప్రీమియం క్రెడిట్ కార్డ్‌ను ఆవిష్కరించారు.
ఇది ఆరోగ్య సంరక్షణ పొదుపులు మరియు ఆర్థిక బహుమతుల యొక్క ఆకర్షణీయమైన మిశ్రమాన్ని అందిస్తుంది. కస్టమర్‌లు ఈ క్రెడిట్ కార్డ్ కోసం ఎస్‌బీఐ కార్డ్ అధికారిక వెబ్‌సైట్‌ను సందర్శించడం ద్వారా లేదా అపోలో 24/7 యాప్‌లో డిజిటల్‌గా సులభంగా దరఖాస్తు చేసుకోవచ్చు. అదనంగా, SBI కార్డ్ SPRINT ద్వారా కూడా దరఖాస్తు చేసుకునే సౌకర్యం ఉంది. ఎంపిక చేసిన అపోలో ఫార్మసీ స్టోర్లలో కూడా దరఖాస్తు చేసుకోవచ్చు.
అపోలో SBI కార్డ్ సెలెక్ట్ కార్డ్ హోల్డర్లు అపోలో 24/7 యాప్, అపోలో ఫార్మసీ స్టోర్‌ల ద్వారా ఫార్మసీ ఉత్పత్తులు, ఆరోగ్య చెకప్ ప్యాకేజీలు, రక్త పరీక్షలు, మరిన్నింటితో సహా అన్ని లావాదేవీలపై రివార్డింగ్ షాపింగ్ అనుభవాన్ని పొందుతారు. కార్డుదారులకు రివార్డ్ పాయింట్లుగా 10% తిరిగి లభిస్తుంది. అదనంగా 15% వరకు హెల్త్ క్రెడిట్‌లు తిరిగి అందిస్తారు, దీని వలన వారికి చెల్లించిన మొత్తం విలువలో 25% వరకు తిరిగి పొందే అవకాశం ఉంటుంది. ఈ రివార్డ్ పాయింట్లను హెల్త్ క్రెడిట్‌లుగా మార్చుకోవచ్చు, వీటిని అపోలో 24/7 యాప్, అపోలో ఫార్మసీ స్టోర్లలో అందుబాటులో ఉన్న మొత్తం ఉత్పత్తి శ్రేణిలో రీడీమ్ చేసుకోవచ్చు.
అపోలో SBI కార్డ్ సెలెక్ట్ కార్డు హోల్డర్లు ₹1,500 ఎలక్ట్రానిక్ వోచర్‌ను స్వాగత ప్రయోజనాలుగా అందుకుంటారు, ఇది అపోలో 24/7 అప్లికేషన్లో, అపోలో ఫార్మసీ స్టోర్లలో అందుబాటులో ఉంటుంది. వారు అపోలో సర్కిల్ ప్రయోజనాలను కూడా పొందుతారు, వీటిలో వైద్య సంప్రదింపులు, డయాగ్నస్టిక్స్, ఫార్మసీ ఆర్డర్లపై ప్రత్యేక తగ్గింపులు, అలాగే సేవలకు ప్రాధాన్యత యాక్సెస్ ఉంటాయి. అదనంగా, కార్డు హోల్డర్లకు ఒక సంవత్సరం FITPASS PRO ఉచిత సభ్యత్వం కూడా లభిస్తుంది, ఇది భారతదేశం అంతటా విస్తరించిన జిమ్, ఫిట్నెస్ తరగతులు మరియు వెల్‌నెస్ కార్యక్రమాలకు ప్రాప్యతను అందిస్తుంది.
శ్రీమతి సలిలా పాండే, MD-CEO, SBI కార్డ్ ఇలా అన్నారు: “SBI కార్డ్‌లో, ఆరోగ్యంతో పాటు శ్రేయస్సుపై దృష్టి సారించే నేటి సజాగ్రత కలిగిన వినియోగదారుల ఆధునిక ఖర్చు అవసరాలు, ఆశయాలను మేము అర్థం చేసుకున్నాము. ఈ అవసరాన్ని పరిగణలోకి తీసుకొని, అపోలో హెల్త్‌కోతో కలిసి అపోలో SBI కార్డ్ సెలెక్ట్ కార్డ్‌ను పరిచయం చేయడం మా వ్యూహాత్మక భాగస్వామ్యంగా నిలిచింది. ఆరోగ్య సంరక్షణ ప్రయోజనాలను ఆలోచనాత్మకంగా అందించడం ద్వారా, అలాగే విలువైన రివార్డులను కలిపి, మా వినియోగదారులు ఆరోగ్య, శ్రేయస్సు లక్ష్యాలకు కట్టుబడి ఉండేటటువంటి శక్తిని అందించడమే మా లక్ష్యం. అదనంగా, వివిధ ఆర్థిక ప్రయోజనాలను ఆస్వాదించే అవకాశాన్ని కూడా కల్పిస్తున్నాము.”
శ్రీమతి శోభన కామినేని, ఎగ్జిక్యూటివ్ చైర్‌పర్సన్, అపోలో హెల్త్‌కో ఇలా అన్నారు, “అపోలో SBI క్రెడిట్ కార్డ్‌తో, ఆరోగ్యం, వెల్‌నెస్‌ను రోజువారీ జీవనంతో సజావుగా అనుసంధానించడానికి రూపొందించిన విప్లవాత్మక ఆర్థిక ఉత్పత్తిని మేము పరిచయం చేస్తున్నాము. రోజువారీ ఖర్చును ఆరోగ్య పెట్టుబడులుగా మార్చడం ద్వారా, మేము సంరక్షణకు సజావుగా, సహజంగా, సరసమైన ప్రాప్యతను అందిస్తున్నాము. ఆరోగ్య సంరక్షణను ఇతర ముఖ్యమైన వాటిలాగే సులభంగా సంపాదించాలి, ఆదా చేయాలి మరియు యాక్సెస్ చేయాలి అని మేము చెప్పే మార్గం ఇది. ఇది ఆరోగ్యం యొక్క భవిష్యత్తు - దీనిని SBI కార్డ్‌తో రూపొందించడం మాకు గర్వకారణం. కలిసి, మేము దేశ ఆరోగ్య సంరక్షకులం అవుతాము.
అపోలో SBI కార్డ్ సెలెక్ట్ కార్డ్ వినియోగదారులకు జీవనశైలి, ప్రయాణ ప్రయోజనాలను కూడా అందిస్తుంది. ₹3 లక్షల వార్షిక ఖర్చులను సాధించిన తర్వాత, కస్టమర్‌లు ఖర్చు-ఆధారిత వార్షిక రుసుము రివర్సల్‌ను పొందవచ్చు. ఇంకా, అంతర్జాతీయ లాంజ్ యాక్సెస్ కోసం 2 సంవత్సరాల ప్రియారిటీ పాస్ సభ్యత్వం, సంవత్సరానికి నాలుగు ఉచిత దేశీయ విమానాశ్రయ లాంజ్ సందర్శనలు (త్రైమాసికానికి గరిష్టంగా ఒకటి) కూడా పొందవచ్చు, ఇది ప్రీమియం ప్రయాణ అనుభవాన్ని మరింత మెరుగుపరుస్తుంది.
అదనంగా, భోజనం, సినిమాలు, వినోదం, ప్రయాణం కోసం ఖర్చు చేసే ప్రతి ₹100కు 2 రివార్డ్ పాయింట్లు వేగవంతంగా సంపాదించబడతాయి, ఇది ప్రతి లావాదేవీ ద్వారా వినియోగదారుల జీవనశైలి అనుభవాన్ని పెంచుతుంది. అపోలో SBI కార్డ్ సెలెక్ట్ కార్డు వార్షిక ప్రయోజనాలు కూడా అందిస్తుంది. వార్షిక పునరుద్ధరణ చేసిన 90 రోజుల్లోపు ₹ 50,000 ఖర్చులపై ఉచిత సమగ్ర ఆరోగ్య తనిఖీని పొందవచ్చు. అలాగే, సంవత్సరానికి ₹6 లక్షలు ఖర్చు చేసిన కస్టమర్‌లు ₹7,999 విలువైన ఉచిత నాయిస్ స్మార్ట్‌వాచ్‌ను పొందేందుకు అర్హులవుతారు. అపోలో SBI కార్డ్ SELECT కార్డ్ జాయినింగ్, రెన్యువల్ రుసుము ₹1,499, వర్తించే పన్నులు. కాంటాక్ట్‌లెస్ కార్డ్ రూపే, మాస్టర్ కార్డ్ ప్లాట్‌ఫామ్‌లలో అందుబాటులో ఉంటుంది.
