మీ గుండె పదిలంగా ఉండాలంటే..? మీరు ఏం చేయాలో తెలుసా?

FILE

మీ గుండె పదిలంగా ఉండాలంటే మీరు చేయాల్సిందల్లా.. కొవ్వు పదార్థాలు తక్కువగా గల ఆహారాన్ని తీసుకోవడమే. హృద్రోగ సమస్యలకు హై బీపీ, కొవ్వు, షుగర్ వంటివే కారణమని ఆరోగ్య నిపుణులు అంటున్నారు.

ఫాస్ట్ ఫుడ్‌లను తీసుకోవడం.. మటన్, బీఫ్, ఎండ్రకాయ, కోడిగుడ్డు పసుపు సొన, నూనెలో వేయించిన పదార్థాలు వంటి పదార్థాలను 25 ఏళ్ల నుంచే క్రమేణా తగ్గించుకుంటూ వస్తే.. గుండెపోటు, హృద్రోగ సమస్యలకు చెక్ పెట్టవచ్చునని ఆరోగ్య నిపుణులు అంటున్నారు.

గుండెను పదిలంగా ఉంచుకోవాలంటే ముఖ్యంగా శరీర, నడుము బరువు పెరగకుండా చూసుకోవాలి. బీపీ 135/85ని దాటకుండా చూసుకోవాలి. రక్తంలో చక్కెర శాతాన్ని నియంత్రించుకోవాలి. ఆరు నెలలకు ఒకసారి రక్త పరిశోధన చేసుకోవాలి. మద్యపానం, ధూమపానం వంటి అలవాట్లకు దూరంగా ఉండాలి.

మనం తీసుకునే ఆహారంలో పీచుపదార్థాలు అధికంగా వుండేలా చూసుకోవాలి. కూరగాయలు, ఆకుకూరలు, పండ్లు, తృణధాన్యాలు, పప్పు దినుసులు అధికంగా ఉండేలా చూసుకోవాలి. యోగా-ధాన్యం ప్రతీరోజూ చేస్తుంటే మీ గుండె పదిలంగా ఉంటుందని ఆరోగ్య నిపుణులు సూచిస్తున్నారు.