శ్రీరెడ్డి వెనక వైసీపీ లేదండి.. ఏదైనా సూటిగా మాట్లాడుతాం: అంబటి రాంబాబు
టాలీవుడ్‌లో శ్రీరెడ్డి సంచలనాలు సృష్టిస్తోంది. టాలీవుడ్‌లో కాస్టింగ్ కౌచ్ జరుగుతోందని.. ఇందుకు అమ్మాయిలు బలైపోతున్నారని శ్రీరెడ్డి ఆరోపిస్తోంది. తాజాగా శ్రీరెడ్డికి సంబంధించిన 12 నిమిషాల ఆడియో టేప్ బయ
టాలీవుడ్‌లో శ్రీరెడ్డి సంచలనాలు సృష్టిస్తోంది. టాలీవుడ్‌లో కాస్టింగ్ కౌచ్ జరుగుతోందని.. ఇందుకు అమ్మాయిలు బలైపోతున్నారని శ్రీరెడ్డి ఆరోపిస్తోంది. తాజాగా శ్రీరెడ్డికి సంబంధించిన 12 నిమిషాల ఆడియో టేప్ బయటపడింది. వైసీపీ నేతలు పెద్ద ప్లాన్ వేసుకుని తన దగ్గరకు వచ్చారని ఆ ఆడియోలో వుంది. వైసీపీ తనను ఉపయోగించుకోవాలనుకుందని శ్రీరెడ్డి పేర్కొంది.
ఇంకా ఇరికిద్దామని చూశారని అయితే తన ఏడుపు చూసి కొద్దిగా తగ్గారని శ్రీరెడ్డి తెలిపింది. ఢిల్లీ స్థాయికి తన సమస్యను తీసుకువెళ్తానని శ్రీరెడ్డి చెప్పింది. శ్రీరెడ్డి వివాదం వెనుక ఎవరో ఉన్నారంటూ కొద్దిరోజులుగా ఆరోపణలు వస్తూ ఉన్నాయి. ఈ క్రమంలో శ్రీరెడ్డి మాట్లాడిన మాటలు కీలకంగా మారబోతున్నాయి. కానీ శ్రీరెడ్డి వెనుక వైసీపీ లేదని ఆ పార్టీ అధికార ప్రతినిధి అంబటి రాంబాబు ఖండించారు.
శ్రీరెడ్డి ఆడియోలో వైసీపీ వాడుకునేందుకు ప్రయత్నించిందని చేసిన ఆరోపణల్లో నిజం లేదని అంబటి తెలిపారు. గురువారం అంబటి మీడియాతో మాట్లాడుతూ, శ్రీరెడ్డి వెనుకో.. మరో రెడ్డి వెనుకో ఉండాల్సిన అవసరం వైసీపీకి లేదన్నారు.
ఇటువంటి వ్యాఖ్యలను నమ్మవద్దని ప్రజలకు విజ్ఞప్తి చేశారు. ఎవరు ఏం చేసినా దాని వెనుక వైసీపీ ఉందంటూ కొందరు కుట్ర చేస్తున్నారని అంబటి విమర్శించారు. ఏదైనా సూటిగా మాట్లాడుతామే తప్ప.. ఎవరు వెనుక నుంచో మాట్లాడాల్సిన అవసరం లేదని అంబటి స్పష్టం చేశారు.
