హైదరాబాద్ నగరంలోని రాజేంద్రనగర్‌లో ఓ యువతి అనుమానాస్పదస్థితిలో ప్రాణాలు కోల్పోయింది. ఇది స్థానికంగా కలకలం రేపింది. అత్తాపూర్‌ చింతల్‌మేట్‌లోని మొఘల్ మెడోస్ అపార్ట్‌మెంట్‌లో ఓ ఫ్లాట్‌లో బ్యూటీషన్‌గా పని చేసే ఆర్యన్ ఖాన్ అనే యువతి నివాసం ఉంటుంది.
అయితే, సదరు యువతి ఉంటున్న ఫ్లాట్ నుంచి దుర్వాసన రావడంతో స్థానికులు పోలీసులకు సమాచారం అందించారు. దీంతో ఘటనా స్థలానికి చేరుకున్న పోలీసులు ఫ్లాట్‌లోపలికి వెళ్లి చూడటంతో ఆర్యన్ ఖాన్ చున్నీతో ఫ్యాన్‌కు ఉరేసుకుని విగతీజీవిగా కనిపించింది.
అయితే, గత వారం రోజుల క్రితం ఆర్యన్ ఖాన్ పుట్టిన రోజు వేడుకలు జరిగినట్టు, పక్కనే పుట్టిన రోజుకేక్ కట్ చేసిన కేక్ ఉండటంతో ఈ ఘటన వారం రోజుల క్రితం జరిగి ఉంటుందని పోలీసులు అనుమానిస్తున్నారు. ఈ మేరకు పోలీసులు కేసు నమోదు చేసి విచారణ జరుపుతున్నారు.
