పవన్ కళ్యాణ్... ఇది విన్నారా...? లడ్డూలు పాచిపోవచ్చు కానీ డబ్బులు పాచిపోవు... వెంకయ్య

జనసేన పార్టీ చీఫ్ పవన్ కళ్యాణ్ కు కేంద్రమంత్రి వెంకయ్య నాయుడు పరోక్షంగా చురకలు అంటించారు. ప్రత్యేక హోదాను కొందరు పాచిపోయిన లడ్డూలు అంటూ వ్యాఖ్యానిస్తున్నారు కానీ లడ్డూలైతే పాచిపోవచ్చు... కానీ కేంద్రం ఇస్తుంది లడ్డూలు కాదు డబ్బులు. డబ్బులు పాచిపోవు అం

జనసేన పార్టీ చీఫ్ పవన్ కళ్యాణ్ కు కేంద్రమంత్రి వెంకయ్య నాయుడు పరోక్షంగా చురకలు అంటించారు. ప్రత్యేక హోదాను కొందరు పాచిపోయిన లడ్డూలు అంటూ వ్యాఖ్యానిస్తున్నారు కానీ లడ్డూలైతే పాచిపోవచ్చు... కానీ కేంద్రం ఇస్తుంది లడ్డూలు కాదు డబ్బులు. డబ్బులు పాచిపోవు అంటూ చురకలు అంటించారు. గుంటూరు జిల్లా తెనాలిలో ఆయన మాట్లాడుతూ... విభజన సమయంలో రాష్ట్ర ప్రయోజనాల గురించి మాట్లాడని వారు ఇప్పుడు ఏదో తమ నోటికి వచ్చినట్లు మాట్లాడుతున్నారంటూ విమర్శించారు. 

ఆరోజు ప్రత్యేక హోదా కావాలని డిమాండ్ చేసింది నేనే, కాంగ్రెస్ పార్టీకి చిత్తశుద్ధి ఉంటే బిల్లులో పెట్టాల్సింది. కానీ ఆ పని చేయకుండా తప్పించుకుంది. ఇప్పుడు కేంద్రం హోదాకు మించి ప్రత్యేక ప్యాకేజీ ఇచ్చింది. హోదా కంటే ఎక్కువ ప్రయోజనాలు కలిగే సౌకర్యాన్ని అందించింది. ఉదాహరణకు పోలవరం ప్రాజెక్టుకు ప్రత్యేక హోదాతో అయితే 90 శాతం నిధులు కేంద్రం భరించాల్సి ఉంటుంది. కానీ ప్రత్యేక ప్యాకేజీతో 100 శాతం నిధులను కేంద్రమే భరిస్తుంది. అదీ తేడా. ఈ తేడా తెలియని కొందరు ప్యాకేజీని పాచిపోయిన లడ్డూలు అని ఏవేవో మాట్లాడుతున్నారంటూ విమర్శించారు.