ప్రేమను నిరాకరించిందని.. అసభ్య వీడియోలో మార్ఫింగ్.. యువకుడి అరెస్టు
ప్రేమోన్మాథులు ఎంతటి దారుణానికైనా ఒడిగడుతున్నారు. తాజాగా ఓ యువతి ప్రేమను నిరాకరించిందన్న కోపంతో ఆ యువతి ఫోటోలను ఓ యువకుడు మార్ఫింగ్ చేసి నెట్‌లో అప్ చేశాడు. ఈ దారుణం కృష్ణా జిల్లాలో జరిగింది. ఈ వివరాల
ప్రేమోన్మాథులు ఎంతటి దారుణానికైనా ఒడిగడుతున్నారు. తాజాగా ఓ యువతి ప్రేమను నిరాకరించిందన్న కోపంతో ఆ యువతి ఫోటోలను ఓ యువకుడు మార్ఫింగ్ చేసి నెట్‌లో అప్ చేశాడు. ఈ దారుణం కృష్ణా జిల్లాలో జరిగింది. ఈ వివరాలను పరిశీలిస్తే...
కృష్ణా జిల్లా అవనిగడ్డకు చెందిన మాదివాడ మురారి(23) హైదరాబాద్‌లోని ఓ సాఫ్ట్‌వేర్‌ కంపెనీనలో ఉద్యోగం చేస్తున్నాడు. విజయవాడ భవానీపురం స్టేషన్ పరిధిలోని గొల్లపూడికి చెందిన యువతి.. మురారి పనిచేస్తున్న కంపెనీలోనే ఉద్యోగం చేస్తోంది.
దీంతో వీరిద్దరి మధ్య పరిచయం ఏర్పడింది. దీన్ని అవకాశంగా తీసుకున్న మురారి... ఆ యువతిని ప్రేమించాలంటూ వెంటపడ్డాడు. దీనికి ఆ యువతి నిరాకరించింది. దీంతో అసభ్య చిత్రాలను ఆ యువతి ఫొటోలతో మార్ఫింగ్ చేసి వాటిని యువతి ఫోన్ నెంబరుతో సహా నెట్‌లో పెట్టేశాడు.
ఈ ఫోన్ నంబరుకు పలువురు విటులు ఫోన్ చేయడంతో అసలు విషయం వెలుగులోకి వచ్చింది. ఆ తర్వాత బాధితురాలి తండ్రి ఫిర్యాదు మేరకు సైబర్‌ క్రైం పోలీసులు మురారీని అరెస్టు చేశారు. కేసు నమోదు చేసి దర్యాప్తు జరుపుతున్నారు.
