నీవు నా కూతురులాంటిదానివి... ప్రేమగా ఒడిలో కూర్చోబెట్టుకుని లైంగికదాడి...

నీవు నాకు కుమార్తెలాంటిదానివమ్మా... రా... నా ఒడిలో కూర్చో.. అంటూ ఓ చిన్నారిని ప్రేమగా పిలిచి లైంగిక దాడి చేస్తూ వచ్చాడో తండ్రి వయసున్న కామాంధుడు. ప్రేమగా దగ్గరికి పిలిచి తల నిమురుతూ బాగా చదువుకో అంటూ

నీవు నాకు కుమార్తెలాంటిదానివమ్మా... రా... నా ఒడిలో కూర్చో.. అంటూ ఓ చిన్నారిని ప్రేమగా పిలిచి లైంగిక దాడి చేస్తూ వచ్చాడో తండ్రి వయసున్న కామాంధుడు. ప్రేమగా దగ్గరికి పిలిచి తల నిమురుతూ బాగా చదువుకో అంటూ పొగిడేవాడు. శరీరంపై నిమురుతుంటే గ్రహించలేకపోయింది. అమాయకంగా అతడి చేతిలో మోసపోయింది. రెండు నెలలుగా లైంగికదాడితో చిత్ర హింసలకు గురిచేస్తున్నా భరించింది. 

తల్లిదండ్రులకు చెబితే ఆ దుర్మార్గుడు తనను ఎక్కడ బలితీసుకుంటాడోనన్న భయం చిన్నారి నోటిని కట్టిపడేసింది. రోజు రోజుకు అతడి వేధింపులు పెరగడంతో ఆందోళన చెందింది. వారం రోజులుగా దుర్మార్గుడికి దూరంగా ఉంటూ వచ్చింది. ఇది భరించలేని అతడు వీడియోలున్నాయని బ్లాక్‌మెయిల్‌ చేయడంతో తట్టుకోలేకపోయింది. ఈ దారుణం హైదరాబాద్, జూబ్లీహిల్స్ పోలీసు స్టేషన్ పరిధిలో జరిగింది. 

హైదరాబాద్ నగరానికి చెందిన ఆశీర్వాదం పెయింటర్‌. ఏడాది క్రితం ఓ ఇంట్లో అద్దెకు దిగాడు. ఇంటి యజమాని కుమార్తె(15)పై కన్నేశాడు. ఆమెతో పరిచయం పెంచుకున్నాడు. మాయమాటలు చెప్పి లోబర్చుకున్నాడు. రెండు నెలలుగా బాలికపై పలుమార్లు లైంగిక దాడి చేశాడు. ఎవరికైనా చెబితే కుటుంబ సభ్యులను చంపేస్తానని బెదిరించాడు. వీడియోలు ఇంటర్నెట్‌లో పెడతానని బెదిరించాడు. ఆవేదన చెందిన ఆమె తల్లికి విషయం చెప్పింది. జూబ్లీహిల్స్‌ పోలీసులకు తల్లితో కలిసి ఫిర్యాదు చేసింది. 376 క్లాస్‌ 2 506, పోక్సో చట్టం కింద కేసు నమోదు చేసి నిందితుడిని అరెస్టు చేశారు. కేసు దర్యాప్తు చేస్తున్నారు.