దేశంలో పెట్రోల్ మంట‌లు రోజు రోజుకూ చెల‌రేగిపోతున్నాయి.పెట్రో కంపెనీలు త‌మ బాదుడు ఆప‌డం లేదు. ఈ రోజు కూడా మళ్లీ ఇంధన ధరలు పెరిగాయి. దేశంలో ఇంధన ధరల‌ను మరోసారి పెంచేశారు.
లీటర్ పెట్రోల్, డీజిల్పై 35 పైసలు చొప్పున పెంచుతున్నట్లు చమురు సంస్థలు ప్రకటించాయి. దేశంలో చమురు ధరలపై పెంపు గ‌త కొద్ది నెల‌లుగా కొనసాగుతోంది. ఇపుడు ఇంధన ధరలు మరోసారి పెంచుతున్నట్లు చమురు సంస్థలు ప్రకటించాయి. తాజాగా పెట్రోల్, డీజిల్పై లీటర్కు 35పైసలు పెంచుతున్నట్లు తెలిపాయి. దేశ రాజ‌ధాని ఢిల్లీలో లీటర్ పెట్రోల్ ధర రూ.108.64కు చేరగా.. డీజిల్ ధర రూ.97.38కు పెరిగింది.
ముంబయిలో లీటర్ పెట్రోల్ ధర 34 పైసలు పెరిగి, రూ.114.44కు చేరగా, లీటర్ డీజిల్ 37 పైసలు పెరిగి రూ.105.45 వద్ద కొనసాగుతోంది. కోల్కతాలో లీటర్ పెట్రోల్ ధర 33 పైసలు పెరిగి రూ.109.08గా ఉంది. లీటర్ డీజిల్ ధర 35 పైసలు పెరిగి రూ.100.45 వద్ద కొనసాగుతోంది. చెన్నైలో లీటర్ పెట్రోల్ ధర 30 పైసలు పెరిగి రూ.105.40 వద్ద కొనసాగుతోంది. లీటర్ డీజిల్ ధర 33 పైసలు రూ.101.55కు చేరింది. హైదరాబాద్లో లీటర్ పెట్రోల్ ధర రూ.112.96కు చేరుకుంది. మరోవైపు డీజిల్ ధర లీటర్కు రూ.106.18 కి చేరింది. గుంటూరులో పెట్రోల్ ధర లీటర్కు రూ.114.95కి చేరింది. డీజిల్పై 37 పైసలు పెరిగి లీటర్ రూ.107.56 వద్ద కొనసాగుతోంది. వైజాగ్లో లీటర్ పెట్రోల్ ధర రూ.113.68 ఉండగా.. లీటర్ డీజిల్ ధర రూ.106.33కి చేరింది.
