ప్రత్యేక హోదా, విభజన హామీల సాధన కోసం అఖిల పక్షాలు, వివిధ ప్రజా సంఘాలతో మీరు సమావేశం ఏర్పాటు చేయడం హర్షణీయం. ఆ సమావేశానికి నన్ను ఆహ్వానించినందుకు కృతజ్ఞతలు. అయితే బుధవారం సమావేశం ఏర్పాటు చేసి, మంగళవారం సాయంత్రం ఆహ్వానం పంపడం ఆక్షేపణీయంగా వుంది. తగిన సమయం ఇవ్వకుండా,సమావేశం పూర్తి స్థాయి ఎజెండాను నిర్ణయించకుండా ఏర్పాటు చేసిన ఈ సమావేశం కేవలం మొక్కుబడిగా గోచరిస్తోంది.
రాజకీయ లబ్ది కోసమా అన్న సందేహాలను రేకెత్తిస్తోంది. ప్రత్యేక హోదా, విభజన హామీల సాధన కోసం సంఘటితంగా పోరాటం చేయడానికి జనసేన పార్టీ కట్టుబడివుంది. అయితే ఆ పోరాటంలో చిత్తశుద్ధి వున్నప్పుడు మాత్రమే జనసేన చేతులు కలుపుతుంది.
మొక్కుబడి సమావేశాలు ఎటువంటి ఫలితాలు ఇవ్వవని జనసేన విశ్వసిస్తోంది. బలమయిన పోరాటంతోనే హోదా సిద్ధిస్తుంది. అటువంటి పోరాటానికి మాత్రమే జనసేన చేతులు కలుపుతుంది అని జనసేన పార్టీ అధినేత పవన్ కళ్యాణ్ తెలియ‌చేసారు.
