జనసేన ఇప్పుడిప్పుడే జనంలోకి వెళ్తోంది. పవన్ కళ్యాణ్ ఒకవైపు సినిమాలు చేస్తూనే ఇంకోవైపు పార్టీని పటిష్టపరిచేందుకు కృషి చేస్తున్నారు. ఇదిలావుంటే పవన్ రెండో అన్నయ్య నాగబాబు తన రాజకీయ జీవితం గురించి ఆసక్తికర వ్యాఖ్యలు చేశారు.
గత ఎన్నికల్లో తనకు ప్రత్యక్ష రాజకీయాలపై పెద్దగా ఇంట్రెస్ట్ లేకపోయినా పవన్ పిలిచి సీటు ఇచ్చారు. భవిష్యత్తులో నేను ఎంపీ, ఎమ్మెల్యేగా పోటీ చేయను కానీ జనసేన పార్టీని ఎలా ముందుకు నడిపించాలన్న దానిపై మాత్రం తీవ్రంగా కృషి చేస్తాను.
పార్టీ నిర్మాణంలో భాగం అవుతాను, అంతేకాదు పార్టీ లోకి కష్టపడే యువత వస్తున్నారు. పవన్ ఆధ్వర్యంలో రాబోయే రోజుల్లో మంచి రోజులు రాబోతున్నాయి. మా తమ్ముడు పవన్, నరేంద్రమోడీ, కేజ్రీవాల్ లాంటి వాళ్లు ఎంతోమంది మంచి నాయకులతో ప్రజలకు మేలు జరుగుతుందని చెప్పారు నాగబాబు.
