ఇండియన్ ఆర్మీలో చేరాలనుకునే యువతకు గుడ్ న్యూస్. తెలంగాణలో ఆర్మీ రిక్రూట్మెంట్ ర్యాలీకి ప్రకటన విడుదలైంది. మేడ్చల్ జిల్లా హకీంపేట్ స్పోర్ట్స్ స్కూలులో మార్చి 5 నుంచి 24 వరకు ర్యాలీ నిర్వహించనున్నట్లు సికింద్రాబాద్ ఆర్మీ రిక్రూట్మెంట్ కల్నల్ ప్రకటించారు. రాష్ట్రంలోని 33 జిల్లాల వారూ ర్యాలీలో పాల్గొనవచ్చు. జనవరి 19 నుంచి ఫిబ్రవరి 18 వరకు అభ్యర్థులు ఆన్లైన్లో దరఖాస్తు చేసుకోవాలి.
ఆన్లైన్లో దరఖాస్తు చేసుకున్న అభ్యర్థులకు ఫిబ్రవరి 18 నుంచి అడ్మిట్ కార్డులు వారి వారి మెయిల్స్కు వస్తాయి. వాటిపై ర్యాలీ డేట్ & టైం, డాక్యుమెంట్స్ స్క్రీనింగ్, ఫిజికల్ ఫిట్నెస్ టెస్ట్, ఫిజికల్ మెజర్మెంట్ టెస్ట్ వివరాలు ఉంటాయి. వాటి ఆధారంగా అభ్యర్థులు ర్యాలీకి హాజరు కావాల్సి ఉంటుంది.
ఫిజికల్ ఫిట్నెస్, డాక్యుమెంట్ వెరిఫికేషన్, రాత పరీక్ష, మెడికల్ టెస్ట్ ఇలా నాలుగు దశల్లో రిక్రూట్మెంట్ ప్రాసెస్ కొనసాగుతుంది. అయితే ఈసారి కొవిడ్–19 దృష్ట్యా ప్రాథమిక మెడికల్ పరీక్షలు నిర్వహించిన తర్వాతే ర్యాలీకి అనుమతించనున్నారు.
రిలాక్సేషన్
ఎక్స్ సర్వీస్మెన్ కేటగిరీ వారికి ఎత్తులో 2 సెంటీమీటర్లు, చాతిలో ఒక సెం.మీ, బరువులో రెండు కిలోల మేర రిలాక్సేషన్ ఉంటుంది. అవుట్ స్టాండర్డ్ స్పోర్ట్స్ పర్సన్ కేటగిరీ వారికి ఎత్లులో 2, చాతిలో 3 సెం.మీలు, బరువులో 5 కేజీల రిలాక్సేషన్ ఉంటుంది. నిర్దేశించిన ప్రమాణాల ప్రకారం అన్ని అర్హతలు సాధించినప్పటికీ కొన్ని సార్లు సెలెక్ట్ కాకపోవచ్చు. ఎందుకంటే అంతిమంగా అభ్యర్థి సాధించిన మెరిట్ ప్రకారం సెలెక్షన్ ఉంటుంది. కాబట్టి అభ్యర్థులు ప్రతి టెస్ట్లో వీలైనన్ని మార్కులు సాధించేలా కసరత్తులు చేయాలి.
కామన్ ఎంట్రన్స్ ఎగ్జామ్
ఫిజికల్ ఫిట్నెస్ టెస్ట్లో అన్ని విభాగాల్లో క్వాలిఫై అయిన అభ్యర్థులకు డిసిగ్నేటెడ్ హాస్పిటల్ స్పెషలిస్ట్ సమక్షంలో మెడికల్ ఫిట్ టెస్ట్ నిర్వహిస్తారు. మెడికల్లీ ఫిట్నెస్ గల అభ్యర్థులకు ర్యాలీ వెన్యూలోనే కామన్ ఎంట్రన్స్ ఎగ్జామ్ అడ్మిట్ కార్డు ఇస్తారు.
రిక్వైర్డ్ డాక్యుమెంట్స్
డాక్యుమెంట్స్ విషయంలో అభ్యర్థులు కొంత కేర్ఫుల్గా ఉండాలి. నోటిఫికేషన్లో నిర్దేశించిన ప్రకారం అన్ని ఒరిజినల్ సర్టిఫికెట్లతోపాటు రెండు సెట్ల జిరాక్స్ సెర్టిఫికెట్స్పై అటెస్టెడ్ గెజిటెడ్ సైన్ చేయించాలి. సైన్, అటెస్టెడ్ స్టాంప్ ఇంగ్లిష్లోనే ఉండాలి. అభ్యర్థి సర్టిఫికెట్లు, ఇతర ధ్రువపత్రాలపై పేరు, తండ్రి పేరు, డేట్ ఆఫ్ బర్త్ ఒకే విధంగా ఉండేలా చూసుకోవాలి.
ర్యాలీకి తీసుకెళ్లాల్సినవి
క్వాలిటీ పేపర్పై ప్రింట్ చేసిన అడ్మిట్ కార్డు, అటెస్ట్ చేయని 20 పాస్పోర్ట్ సైజ్ కలర్ ఫొటోలు, ఎనిమిదో తరగతి/టెన్త్/ఇంటర్/డిగ్రీ సంబంధిత ఎడ్యుకేషనల్ అర్హత ఒరిజినల్ మెమోస్/ ప్రొవిజనల్ సర్టిఫికెట్లు, నేటివిటి, క్యాస్ట్, రెలిజియన్, స్కూల్ క్యారెక్టర్(బోనఫైడ్), క్యారెక్టర్ సర్టిఫికెట్(సర్పంచ్ లేదా మున్సిపాలిటీ నుంచి), అన్ మ్యారిడ్ సర్టిఫికెట్, నో ఇన్వాల్వ్మెంట్ ఇన్ క్రైమ్ సర్టిఫికెట్, అఫిడవిట్ డిక్లరేషన్, ఆధార్, పాన్ కార్డ్స్, కోవిడ్ 19 సర్టిఫికెట్ తీసుకెళ్లాలి. అఫిడవిట్, అన్ మ్యారిడ్, కొవిడ్ 19, టాటూ తదితర సర్టిఫికెట్లకు సంబంధించి మోడల్స్ అపెండెక్స్ ఏ నుంచి జీ వరకు నోటిఫికేషన్లో అందుబాటులో ఉన్నాయి. అభ్యర్థులు సంబంధిత మోడల్ను బేస్ చేసుకొని ఆయా సర్టిఫికెట్లను ర్యాలీకి తీసుకెళ్లాల్సి ఉంటుంది.
ముఖ్య సమాచారం
దరఖాస్తులు: ఆన్లైన్లో..
రిజిస్ట్రేషన్స్: 19 జనవరి 2021
రిజిస్ట్రేషన్స్కు చివరి తేది: 18 ఫిబ్రవరి 2021
అప్లికేషన్ ఎడిట్ ఆప్షన్: 18 ఫిబ్రవరి 2021 వరకు
అడ్మిట్ కార్డుల జారీ: ఫిబ్రవరి 18 నుంచి
రిక్రూట్మెంట్ ర్యాలీ: మార్చి 5 నుంచి 24 వరకు
ర్యాలీ వేదిక: స్పోర్ట్స్ స్కూల్, హకీంపేట్, మేడ్చల్ జిల్లా
అర్హులు: తెలంగాణలోని 33 జిల్లాల అభ్యర్థులు
హెల్ప్లైన్: ఆర్మీ రిక్రూటింగ్ ఆఫీస్, సికింద్రాబాద్, 040–27740059 & 27740205
వెబ్సైట్: www.joinindianarmy.nic.in
