గుంటూరు జిల్లా మంగళగిరి ఎమ్మెల్యే, వైకాపా నేత ఆళ్ళ రామకృష్ణా రెడ్డికి ఉన్నట్టుండి ఛాతినొప్పి వచ్చింది. దీంతో ఆయన్ను హుటాహుటిన ఆస్పత్రికి తరలించి చికిత్స అందిస్తున్నారు. ప్రస్తుతం ఆయన గుంటూరులోని సాయిభాస్కర్ ఆస్పత్రిలో చికిత్స పొందుతున్నారు.
తన నియోజకవర్గంలో శనివారం మంగళగిరి - తాడేపల్లి పరిధిలో చేపట్టిన పలు అభివృద్ధి పనులను అధికారులతో కలిసి ఆయన పర్యటించారు. రోజంతా పలు కార్యక్రమాల్లో పాల్గొని బిజీబిజీగా గడిపారు. నరసింహస్వామి ఆలయంలో జరిగిన కార్యక్రమంలోనూ పాల్గొన్నారు.
సాయంత్రం ఇంటికి బయలుదేరారు. ఆ సమయంలో ఛాతనొప్పి రావడంతో చూపించేందుకు నగరంలోని సాయిభాస్కర ఆస్పత్రికెళ్లారు. అక్కడ ఆయనకు వైద్యులు వివిధర రకాలైన వైద్య పరీక్షలు చేసి, పూర్తిగా విశ్రాంతి తీసుకోవాలని సూచించారు. అదేసమయంలో ప్రస్తుతం ఆయన ఆరోగ్యం నిలగడగా వుంది.
