ప్రియురాలితో కానిస్టేబుల్ రాసలీలలు... రెడ్‌హ్యాండెడ్‌గా పట్టుకున్న స్థానికులు
ఓ బీట్ కానిస్టేబుల్ ఠాణా రిజిస్టర్‌లో సంతకం చేసి ప్రియురాలితో రాసలీలలు కొనసాగిస్తూ రెడ్‌హ్యాండెడ్‌గా చిక్కాడు. ఆ తర్వాత సహచర పోలీసుల సహాయంతో పలాయనం చిత్తగించాడు. తాజాగా వెలుగులోకి వచ్చిన ఈ వివరాలను పర
ఓ బీట్ కానిస్టేబుల్ ఠాణా రిజిస్టర్‌లో సంతకం చేసి ప్రియురాలితో రాసలీలలు కొనసాగిస్తూ రెడ్‌హ్యాండెడ్‌గా చిక్కాడు. ఆ తర్వాత సహచర పోలీసుల సహాయంతో పలాయనం చిత్తగించాడు. తాజాగా వెలుగులోకి వచ్చిన ఈ వివరాలను పరిశీలిస్తే....
కర్నూలు సబ్‌‌డివిజన్‌ పరిధిలోని ఓ స్టేషన్‌కు చెందిన కానిస్టేబుల్ బుధవారం ఉదయం స్టేషన్‌లో సంతకం చేసి బీట్ కోసం వెళ్లాడు. స్థానిక రాజీవ్‌ గృహకల్పకు ఓ మహిళతో చేరుకొని తన ఇంట్లో రాసలీలలు మొదలు పెట్టాడు.
ఈ విషయాన్ని స్థానికులు గుర్తించి... కానిస్టేబుల్‌ను రెడ్‌హ్యాండెడ్‌గా పట్టుకుని దేహశుద్ధి చేసి ఇంట్లో పెట్టి పోలీసులకు సమాచారం అందించారు. దీంతో పోలీసులు అక్కడకు చేరుకోవడంతో ఆ బీట్ కానిస్టేబుల్ చాకచక్యంగా తప్పించుకుని పారిపోయాడు.
ఈయనగారు.. గతంలో కూడా పలువురు మహిళలతో ఇక్కడకు వచ్చేవాడని, ఓ సారి ఇళ్లు శుభ్రం చేయడానికి, మరోసారి పనిమనిషి అని ఇలా చెప్పి తప్పించుకునేవాడని స్థానికులు చెబుతున్నారు.
