కత్తి మహేష్ తిరుపతి ఎంపీ సీటుకు పోటీ చేస్తారా? అదీ జనసేన పార్టీ ఇస్తుందా?
ఇలాంటి పుకార్లు ఎలా పుడతాయో తెలియదు కానీ భలేగా లాగించేస్తుంటారు. ఇటీవలి కాలంలో కత్తి మహేష్ వర్సెస్ పవన్ కళ్యాణ్ ఫ్యాన్స్ రగడ ఏ స్థాయికి చేరిందో తెలిసిందే. కత్తి మహేష్ పవన్ కళ్యాణ్‌ను విపరీతంగా విమర్శల
ఇలాంటి పుకార్లు ఎలా పుడతాయో తెలియదు కానీ భలేగా లాగించేస్తుంటారు. ఇటీవలి కాలంలో కత్తి మహేష్ వర్సెస్ పవన్ కళ్యాణ్ ఫ్యాన్స్ రగడ ఏ స్థాయికి చేరిందో తెలిసిందే. కత్తి మహేష్ పవన్ కళ్యాణ్‌ను విపరీతంగా విమర్శలు చేయడం, పవర్ స్టార్ ఫ్యాన్స్ చంపేస్తామంటూ బెదిరించడం, ఆయనపై కోడిగుడ్లు విసరడం తదితర ఘటనలు ఎన్నో జరిగాయి. ఇలా జరుగుతుండగానే పవన్ ఫ్యాన్స్ ఓ అడుగు ముందుకేసి కత్తి మహేష్ కు నేరుగా వచ్చి పూల బొకేను ఇచ్చి తీపి తినిపించి ఇక మనం స్నేహితుల్లా వుందామని చెప్పి సెల్ఫీలు తీసుకుని వెళ్లిపోయారు.
ఆ తర్వాత కత్తి కూడా సైలెంట్ అయ్యారు. ఇప్పుడు తాజా ముచ్చట ఏంటయా అంటే... జనసేన పార్టీ కత్తి మహేష్ ను తిరుపతి ఎంపీ స్థానం నుంచి బరిలోకి దింపాలని అనుకుంటుందట. ఆ మేరకు చర్చలు జరుగుతున్నట్లు ఓ వార్త హల్చల్ చేస్తోంది. పైగా కత్తి మహేష్ కూడా ఎప్పుడూ జనసేన పార్టీ అంటే తనకు కిట్టదని చెప్పలేదు కనుక కత్తి ఖచ్చితంగా పోటీ చేస్తారనే టాక్ వినబడుతోంది. మరి ఈ వార్తలో నిజం ఎంత వుందో తెలియాలంటే కత్తి మహేష్ తన ట్విట్టర్లో ఏమయినా స్పందిస్తే కాని తెలియదు.
