ఓ పోకిరీకి పలువురు మహిళలు దేహశుద్ధి చేశారు. ఓ యువతి ఒంటరిగా ఉండటాన్ని గమనించిన పోకిరీ.. నేరుగా ఇంట్లోకి వెళ్లి ఆమెను హగ్ చేసుకుని అసభ్యంగా ప్రవర్తించాడు. దీంతో ఆ యువతి బిగ్గరగా అరవడంతో ఇరుగుపొరుగువారు వచ్చి ఆ పోకిరిని పట్టుకుని స్తంభానికి కట్టేసి దేహశుద్ధి చేశారు.
ఈ ఘటన హైదరాబాద్ నగరంలోని మూసాపేట పరిధిలో జరిగింది. తాజాగా వెలుగులోకి వచ్చిన ఈ వివరాలను పరిశీలిస్తే, హైదరాబాద్ జింకలవాడకు చెందిన అంజి (19) అనే యువకుడు జులాయి‌గా తిరుగుతుంటున్నాడు. ఈ జులాయి శుక్రవారం ఉదయం 7 గంటల సమయంలో స్థానికంగా ఉండే ఓ యువతి తన ఇంట్లో ఒంటరిగా ఉండాటాన్ని గమనించాడు. ఆ తర్వాత ఏమాత్రం ఆలస్యం చేయకుండా ఇంట్లో చొరబడి ఆ యువతి పట్ల అసభ్యంగా ప్రవర్తించాడు.
దీంతో ఆమె కేకలు వేయడంతో అప్రమత్తమైన ఇరుగుపొరుగు మహిళలు యువకుడిని పట్టుకుని స్తంభానికి కట్టేసి చితకబాదారు. అనంతరం సనత్‌నగర్ పోలీసులకు అప్పగించారు. కేసు నమోదు చేసిన పోలీసులు.. వివిధ సెక్షన్ల కింద కేసు నమోదు చేసి దర్యాప్తు జరుపుతున్నారు.
