భార్యకు ట్రిపుల్ తలాక్ చెప్పాడు.. సౌదీలో షేక్‌కు అమ్మేశాడు!
దేశవ్యాప్తంగా ట్రిపుల్ తలాక్‌పై తీవ్ర చర్చ జరుగుతోంది. టిపుల్ తలాక్‌ను రద్దు చేయాలని స్వయంగా ముస్లిం బాధిత మహిళలు కోరుతున్నారు. ముస్లిం మత పెద్దలు మాత్రం సేమిరా అంటున్నారు. ఈ నేపథ్యంలో హైదరాబాద్ పాతబస
దేశవ్యాప్తంగా ట్రిపుల్ తలాక్‌పై తీవ్ర చర్చ జరుగుతోంది. టిపుల్ తలాక్‌ను రద్దు చేయాలని స్వయంగా ముస్లిం బాధిత మహిళలు కోరుతున్నారు. ముస్లిం మత పెద్దలు మాత్రం సేమిరా అంటున్నారు. ఈ నేపథ్యంలో హైదరాబాద్ పాతబస్తీ శాలిబండలో తన భార్యకు ట్రిపుల్ తలాక్ ఇచ్చి ఆమెను సౌదీలోని ఓ షేక్‌కు అమ్మేసిన ఘటన ఒకటి వెలుగులోకి వచ్చింది. ఈ వివరాలను పరిశీలిస్తే..
శాలిబండ ప్రాంతానికి చెందిన 23 యేళ్ళ యువతి సైరాబానుకు ఒమర్ అనే వ్యక్తితో కొన్నేళ్ళ క్రితం వివాహం జరిగింది. ఆ తర్వాత ఆమెను మస్కట్, దుబాయ్‌ల మీదుగా సౌదీకి ఈ నెల 2న అక్రమంగా తీసుకుపోయాడు. అక్కడ ఓ షేక్‌ ముందు భార్యకు ట్రిపుల్ తలాక్ చెప్పి ఆయనకు అమ్మేశాడు.
ఈ విషయం తెలుసుకున్న సైరాబాను తల్లి బాను బేగం హైదరాబాద్ పోలీసులకు ఫిర్యాదు చేసింది. షేక్‌కు అమ్మేసిన తన కుమార్తెను రక్షించాలని కోరుతోంది. తన కూతురి విషయాన్ని బాను బేగం వీడియో ద్వారా కేంద్ర మంత్రి సుష్మా స్వరాజ్‌కు కూడా తెలియజేసి ఒమర్‌పై కఠిన చర్యలు తీసుకునేలా చూడాలని కోరింది.
