స్నేహితులతో పుట్టినరోజు జరుపుకున్న ఓ వ్యక్తి.. అమ్మాయిలతో అశ్లీల నృత్యాలు చేయించాడు. ఈ ఘటన పశ్చిమ గోదావరి జిల్లాలో ఈ అశ్లీల నృత్యాల కలకలం రేగింది. వివరాల్లోకి వెళితే.. పెనుమంట్ర మండలం మార్టేరులో ఒక కళ్యాణ మండపంలో శుక్రవారం రాత్రి పుట్టిన రోజు వేడుకల్లో నిర్వహించారు.
చైతన్య అనే వ్యాపార వేత్త.. తన స్నేహితులతో కలిసి తన పుట్టిన రోజు వేడుకలను అట్టహాసంగా నిర్వహించాడు. ఈ వేడుకల్లో డ్యాన్స్ వేసేందుకు బయట నుంచి అమ్మాయిలను రప్పించాడు. ఇక వచ్చిన అమ్మాయిలు మద్యం మత్తుల్లో అశ్లీల నృత్యాలతో ఎంజాయ్ చేశారు.
అశ్లీల నృత్యాలపై పోలీసులకు సమాచారం అందడంతో అర్థరాత్రి సోదాలు నిర్వహించి.. అక్కడ అసభ్య నృత్యాలు చేస్తున్న యువతులను, మద్యం మత్తులో ఉన్న యువకులను అరెస్ట్‌ చేశారు. అయితే ఎవరూ మత్తు పదార్థాలు గాని.. డ్రగ్స్‌ కాని వాడలేదని.. కేవలం మద్యం సేవించి డ్యాన్సులు చేయడంతో అరెస్ట్‌ చేశామని పోలీసులు వివరించారు.
