విశాఖ ప‌రిపాల‌నా రాజ‌ధానిగా ఆంధ్ర‌ప్ర‌దేశ్ ప్ర‌భుత్వం ప్ర‌క‌టించిన త‌రుణంలో, న‌గ‌రంలో హైఫై కార్య‌క్ర‌మాలు ఊపందుకుంటున్నాయి. ఇప్ప‌టికే విశాఖ ఫ్యాష‌న్ క‌ల్చ‌ర్ కు నాంది ప‌ల‌క‌గా, దీనిని మ‌రింత ముందుకు తీసుకెళ్ళేందుకు డిజైనర్, మోడ‌ల్ షోలు నిర్వ‌హిస్తున్నారు.
విశాఖపట్నంలో ఈ నెల 27 నుంచి డిజైనర్ ఉత్సవాన్ని ఏర్పాటు చేయ‌డానికి స‌న్నాహాలు జ‌రుగుతున్నాయి. వర్ణ కళ డిజైనర్స్ కు సంబంధించి లోగోను వైఎస్సార్‌ సీపీ నగర అధ్యక్షుడు వంశీకృష్ణ శ్రీనివాస్, వైసీపీ మహిళా నాయకురాలు పేడాడ రమణకుమారి ఆవిష్కరించారు.
విశాఖ న‌గ‌రంలో ఈ నెల 27న డిజైనర్ ఉత్సవాన్ని ఘ‌నంగా నిర్వ‌హిస్తున్న‌ట్లు నిర్వాహకురాలు వర్ణకళ సీఈవో భార్గవి చెప్పారు. స్థానిక గాదిరాజు ప్యాలెస్ వేదికగా లియోర్ మీడియా ఈవెంట్ మేనేజ్మెంట్ సహకారంతో 27 సాయంత్రం 6 నుంచి రాత్రి 10 గంటల వరకు ఈ వేడుక నిర్వహిస్తున్నామని తెలిపారు. డిజైనర్స్, మోడళ్ళ‌కు ప్రోత్సాహం, ప్రేరణ కల్గించడమే వర్ణకళ డిజైనర్స్ ప్రధాన లక్ష్యమని ఆమె పేర్కొన్నారు. ఈ కార్యక్రమంలో డెస్టినీ ఈవెంట్స్ సీఈవో ప్రేమ్ తదితరులు పాల్గొన్నారు.
