'ఏడాది కొకసారి మాటమార్చే వెంకయ్య నోటిని ఫినాయిల్‌తో కడగాలి' : సీపీఐ నారాయణ
'ఏడాది కొకసారి మాటమార్చే వెంకయ్య నోటిని ఫినాయిల్‌తో కడగాలి' అని సీపీఐ జాతీయ కమిటీ సభ్యుడు కె నారాయణ అన్నారు. ప్రత్యేక హోదా అంశంపై కేంద్రం వెనక్కి తగ్గడంపై ఆయన మాట్లాడుతూ... పదేళ్ల పాటు హోదా ఇస్తామని హ
'ఏడాది కొకసారి మాటమార్చే వెంకయ్య నోటిని ఫినాయిల్‌తో కడగాలి' అని సీపీఐ జాతీయ కమిటీ సభ్యుడు కె నారాయణ అన్నారు. ప్రత్యేక హోదా అంశంపై కేంద్రం వెనక్కి తగ్గడంపై ఆయన మాట్లాడుతూ... పదేళ్ల పాటు హోదా ఇస్తామని హామీ ఇచ్చిన వెంకయ్య ఇపుడు సన్మానాలు చేయించుకోవడం ఆయనకే చెల్లిందన్నారు.
హోదాపై హామీ ఇచ్చిన వెంకయ్య ఇప్పుడు మాట మార్చి ఏపీ ప్రజలను మోసం చేశారని ఆగ్రహం వ్యక్తంచేశారు. ఇప్పుడు మళ్లీ ప్రత్యేక ప్యాకేజీ పేరుతో వెంకయ్యనాయుడు మళ్లీ సన్మానాలు చేయించుకుంటున్నారని విమర్శించారు. 14వ ఆర్థికసంఘం, ఇతర రాష్ట్రాలు హోదాకు అంగీకరించడం లేదని చెప్పడం విడ్డూరమని అన్నారు.
విపక్షాల మద్దతుతో ఎన్నో బిల్లులను పాస్‌ చేయిస్తున్నారని, ప్రధాని నరేంద్ర మోడీ, వెంకయ్య అనుకుంటే ప్రత్యేక హోదా బిల్లును పాస్‌ చేయించడం కష్టమేం కాదని, యేడాది కొకసారి మాటమార్చే వెంకయ్య నోటిని ఫినాయిల్‌తో కడగాలని సీపీఐ నేత నారాయణ మండిపడ్డారు.
