తేజస్వినిని పెళ్లిచేసుకోవాలంటే.. శిరీషను ఎస్సైకి ఫేవర్ చేయాలి పర్లేదా?: శ్రవణ్.. ఓకే చెప్పిన రాజీవ్
బ్యూటీషియన్ శిరీషను నమ్మినోళ్లే నట్టేట ముంచారు. రాజీవ్‌ను దూరం చేసుకోకూడదనుకున్న శిరీష, శ్రవణ్, నందును సంప్రదించింది. రాజీవ్ నుంచి దూరం కాకూడదని తేజస్వినిని పక్కనబెట్టాలనుకుంది. పెళ్లైనప్పటికీ రాజీవ్‌తో స్నేహాన్ని కొనసాగించుకోవాలనుకుంది.
బ్యూటీషియన్ శిరీషను నమ్మినోళ్లే నట్టేట ముంచారు. రాజీవ్‌ను దూరం చేసుకోకూడదనుకున్న శిరీష, శ్రవణ్, నందును సంప్రదించింది. రాజీవ్ నుంచి దూరం కాకూడదని తేజస్వినిని పక్కనబెట్టాలనుకుంది. పెళ్లైనప్పటికీ రాజీవ్‌తో స్నేహాన్ని కొనసాగించుకోవాలనుకుంది. అయితే రాజీవ్ మాత్రం తేజస్విని పెళ్లి చేసుకునేందుకు శిరీషను వదులుకోవాలనుకున్నాడు. చివరికి ఎస్సైకి ఫేవర్ చేయాలనుకున్నాడు. ఇలా శిరీషను నమ్మినవాళ్లే వంచించారనేందుకు బలమైన సాక్ష్యాలను పోలీసులు సేకరిస్తున్నట్లు సమాచారం.
అలాగే ఫోరెన్సిక్ రిపోర్ట్ వస్తే శిరీషపై ఎస్సై ప్రభాకర్ రెడ్డి అత్యాచారాం చేశాడా? లేదా? అనేది తేలిపోతుంది. ఈ నేపథ్యంలో రిమాండ్‌లో ఉన్న శ్రవణ్, రాజీవ్‌లను ఐదురోజుల కస్టడీకి పోలీసులు న్యాయస్థానాన్ని కోరారు. శిరీషకు సహకరిస్తానని నమ్మించిన రాజీవ్ ఆమెతో శారీరక సంబంధం ఏర్పరుచుకున్నాడు. తేజస్వినితో ప్రేమలో పడ్డాక, ఆమెను పెళ్లి చేసుకునేందుకు శిరీషను వదిలించుకోవాలని చూశాడు.
స్నేహం పేరుతో పరిచయం పెంచుకున్న శ్రవణ్ ఆమెను ఎరగా వేసి వాడుకోవాలనుకున్నాడు. సమస్యను పరిష్కరిస్తానని చెప్పిన ఎస్సై అత్యాచారయత్నం చేశాడు. ఇలా శిరీష నమ్మినవారంతా ఆమెను వంచించారు. దీనిపై ఆధారాలను పోలీసులు సేకరించారు.
ఇప్పటికే శ్రవణ్, ఎస్సై ప్రభాకర్ రెడ్డితో మాట్లాడిన కాల్స్ సంఖ్యను గుర్తించారు. ఎస్సైతో అన్నా శిరీషకు ఫేవర్ చేస్తే మనకు భవిష్యత్తులో పనికొస్తుందని ఎస్సైతో శ్రవణ్ మాట్లాడాడు. అలాగే రాజీవ్‌తో శ్రవణ్ శిరీషను వదిలించుకోవడానికి సిద్ధమేనా అని అడిగాడు. ఎస్సైకి కొంత శిరీష ఫేవర్ చేయాలని చెప్పినట్లు సమాచారం. తేజస్వినిని పెళ్లి చేసుకోవాలనే ఆలోచనతో రాజీవ్, శిరీషను వదిలించుకునేందుకు సిద్ధపడినట్లు, ఎస్సైకి సహకరించినట్లు ప్రాథమిక విచారణలో తేలింది.
