పుష్కరాల తొలి రోజు అపశృతి : ఓ కానిస్టేబుల్ జీవితం విషాదాంతం...

కృష్ణా పుష్కరాల తొలి రోజున అపశృతి చోటుచేసుకుంది. పుష్కరాల బందోబస్తు విధుల కోసం వచ్చిన ఓ కానిస్టేబుల్ జీవితం విషాదాంతంగా ముగిసింది. తిరుపతి నుంచి వచ్చిన కానిస్టేబుల్ రోడ్డు ప్రమాదంలో మరణించాడు.

కృష్ణా పుష్కరాల తొలి రోజున అపశృతి చోటుచేసుకుంది. పుష్కరాల బందోబస్తు విధుల కోసం వచ్చిన  ఓ కానిస్టేబుల్ జీవితం విషాదాంతంగా ముగిసింది. తిరుపతి నుంచి వచ్చిన కానిస్టేబుల్ రోడ్డు ప్రమాదంలో మరణించాడు. 

ఈ వివరాలను పరిశీలిస్తే... ఏపీ పోలీసు శాఖలో కానిస్టేబుల్‌గా పనిచేస్తున్న వెంకట్రావు, పుష్కర విధుల నిమిత్తం గూడవల్లి ప్రాంతానికి వచ్చారు. విధి నిర్వహణలో భాగంగా రోడ్డు దాటుతున్న వేళ, ఓ ఇన్నోవా కారు వచ్చి అతన్ని బలంగా ఢీకొంది. 

ఈ ప్రమాదంతో రోడ్డు డివైడరుకు వెంకట్రావు తల తగలడంతో, ఆయన అక్కడికక్కడే మరణించారు. కేసు నమోదు చేసుకున్న పోలీసులు, మృతదేహాన్ని పోస్టుమార్టం నిమిత్తం తరలించి, దర్యాప్తు ప్రారంభించారు. కానిస్టేబుల్ కుటుంబాన్ని ఆదుకుంటామని అధికారులు తెలిపారు.