పీఆర్పీని కాంగ్రెస్‌లో విలీనం చేసినప్పటి నుంచి మెగాస్టార్ చిరంజీవి క్రియాశీలక రాజకీయాలకు దూరంగా ఉంటున్నారు. అయితే రాజకీయ ఊహాగానాలలో ఆయన పేరు తరచుగా వినిపిస్తోంది. ఇప్పుడు జనసేనాని పవన్ కళ్యాణ్ విజయం తర్వాత.. చిరంజీవి ఎన్డీఏ నుండి రాజ్యసభకు వెళతాడని పుకార్లు మళ్లీ పుట్టుకొచ్చాయి.
టీడీపీ చీఫ్ చంద్రబాబు నాయుడు ప్రమాణ స్వీకారోత్సవానికి చిరంజీవి హాజరు కావడం, చిరు, పవన్ కళ్యాణ్‌లతో ప్రధాని మోదీ కరచాలనం చేయడం ఈ పుకార్లను మరింత పెంచింది. ఇందులో ఏమైనా నిజం ఉందా అని చిరు కుమార్తె సుస్మిత కొణిదెలను అడిగినప్పుడు, ఆమె దానిని ఖండించలేదు. ప్రస్తుతం మెగా ఫ్యామిలీ హ్యాపీగా వుందని చెప్పుకొచ్చింది.
ప్రస్తుతానికి ఆ హ్యాపీని ఆస్వాదిస్తున్నామని.. తదుపరిగా జరగబోయే విషయం గురించి పట్టించుకోవట్లేదని సుస్మిత తెలిపింది. రాజకీయాల్లో ఎప్పుడైనా ఏదైనా జరగవచ్చునని సుస్మిత వెల్లడించింది.
