వాళ్ల అన్న చిరునే గెలిపించలేనోడు తెదేపాను గెలిపించడమా? హహ్హహ్హ్హ... పవన్‌పై చింతమనేని
జనసేన పవన్ కళ్యాణ్‌కు రాజకీయాల్లో అంత సీనులేదు. గతంలో ఆయన తన అన్నయ్య చిరంజీవినే గెలిపించుకోలేకపోయాడు... అలాంటిది తెలుగుదేశం పార్టీని గెలిపించడమా హహ్హహ్హ్హ అంటూ ఓ నవ్వు నవ్వారు చింతమనేని ప్రభాకర్. ప‌శ్చిమ‌గోదావ‌రి జిల్లా దెందులూరు నియోజ‌క‌వ‌ర్గ టీడీపీ
జనసేన పవన్ కళ్యాణ్‌కు రాజకీయాల్లో అంత సీనులేదు. గతంలో ఆయన తన అన్నయ్య చిరంజీవినే గెలిపించుకోలేకపోయాడు... అలాంటిది తెలుగుదేశం పార్టీని గెలిపించడమా హహ్హహ్హ్హ అంటూ ఓ నవ్వు నవ్వారు చింతమనేని ప్రభాకర్. ప‌శ్చిమ‌గోదావ‌రి జిల్లా దెందులూరు నియోజ‌క‌వ‌ర్గ టీడీపీ ఎమ్మెల్యే, ప్రభుత్వ విప్ చింతమనేని ప్రభాకర్ వ్యాఖ్యలతో పవన్ ఫ్యాన్స్ భగ్గుమంటున్నారు. ఆయన ఫ్లెక్సీలను పట్టుకొచ్చి రోడ్లపై తగులబెడుతున్నారు.
చింతమనేని భేషరతుగా క్షమాపణ చెప్పాలని డిమాండ్ చేస్తున్నారు. అవసరం తీరిపోయాక మాటలు చెప్పడం కాదనీ, దమ్ముంటే చింతమనేని ఇప్పుడే రాజీనామా చేసి ఎన్నికల్లో నిలిచి విజయం సాధించగలరా అని ప్రశ్నించారు. మరోవైపు ఇటీవలి కాలంలో పవన్ కళ్యాణ్ సుతిమెత్తగా తెదేపాను విమర్శిస్తూ ఉన్నారు. ఈ నేపధ్యంలో చింతమనేని వ్యాఖ్యలు ప్రధాన్యతను సంతరించుకున్నాయి. భవిష్యత్తులో జనసేన-తెదేపా స్నేహబంధ కటీఫ్ అవుతుందనే ఊహాగానాలు ఊపందుకున్నాయి.
