నువ్వంటే నాకిష్టం.. నీ ఒపీనియన్‌ ఏమిటి?.. మహిళకు ఎస్.ఐ వేధింపులు
పోకిరీల నుంచి మహిళలకు రక్షణ కల్పించాల్సిన ఓ రక్షణ భటుడు కామాంధుడిగా మారిపోయాడు. ఓ మహిళను తన వికృత చేష్టలతో వేధించాడు. నువ్వంటే నాకిష్టం.. నీ ఒపీనియన్‌ ఏమిటి? అంటూ వేళాపాళా లేకుండా పదేపదే ఫోన్లు చేసి వ
పోకిరీల నుంచి మహిళలకు రక్షణ కల్పించాల్సిన ఓ రక్షణ భటుడు కామాంధుడిగా మారిపోయాడు. ఓ మహిళను తన వికృత చేష్టలతో వేధించాడు. నువ్వంటే నాకిష్టం.. నీ ఒపీనియన్‌ ఏమిటి? అంటూ వేళాపాళా లేకుండా పదేపదే ఫోన్లు చేసి విసుగుతెప్పించాడు. చివరకు అతని వేధింపులు భరించలేని ఆ మహిళ.. పోలీసు ఉన్నతాధికారుల దృష్టికి తీసుకెళ్లింది. దీంతో ఆ కీచక ఎస్.ఐ బండారం బయటపడింది.
ఈ వివరాలను పరిశీలిస్తే, కర్నూలు జిల్లా ఆత్మకూరు మండలం కృష్ణాపురం గ్రామానికి చెందిన ఓ మహిళ ఓ సివిల్‌ కేసు నిమిత్తం పోలీసుస్టేషన్‌లో ఎస్‌ఐ వెంకటసుబ్బయ్యకు ఫిర్యాదు చేసేందుకు వెళ్లింది. అప్పుడు ఎస్‌ఐ వివాదంలో ఉన్న ఇరువురితో మాట్లాడి పంపించేశారు. ఆ తర్వాత విచారణ పేరుతో ఆమె ఫోన్‌ నెంబర్‌ తీసుకుని తరచూ అర్థరాత్రిళ్లు అభ్యంతరకరంగా మాట్లాడటం మొదలు పెట్టారు.
నిజానికి ఆ మహిళ బంధువులు గతంలో కల్తీసారా వ్యాపారం చేస్తుండేవారు. తరచూ తనిఖీలు జరిగేవి. ఈ నేపథ్యంలో ఆమె కుటుంబం సారా విక్రయం మానుకుని కూలి పనులకు వెళ్తోంది. అయినా ఎస్‌ఐ అమె ఇంటికి చాలాసార్లు తనిఖీలకు వెళ్లేవారు. అసభ్యకరంగా మాట్లాడేవారు.
తాజాగా ఎస్‌ఐ వెంకటసుబ్బయ్య ఈ మహిళకు రాత్రిళ్లు ఫోన్‌చేసి నువ్వంటే నాకిష్టమని వేధించారు. ఆమె అంగీకరించకపోవడంతో సారా విక్రయిస్తున్నావా? అని బెదిరింపులకు దిగారు. ఎస్‌ఐ ఫోన్‌లో మాట్లాడినవన్నీ ఆమె రికార్డింగ్‌ చేసి ఎస్పీని ఆశ్రయించింది. ఎస్పీ వెంటనే స్పందించి ఎస్‌ఐ వెంకటసుబ్బయ్యను వీఆర్‌కు పంపిస్తూ ఉత్తర్వులు జారీచేశారు.
