కారు రిపేర్ చేస్తుండగా ప్రమాదం.. అమెరికాలో ముదినేపల్లి టెక్కీ దుర్మరణం
అమెరికాలో కృష్ణా జిల్లాకు చెందిన సాఫ్ట్‌వేర్ ఇంజనీర్ దుర్మరణం పాలయ్యాడు. కారు రిపేర్ చేస్తుండగా జరిగిన ప్రమాదంలో ఈ టెక్కీ మృత్యువాతపడ్డాడు. తాజాగా వెలుగులోకి వచ్చిన ఈ వివరాలను పరిశీలిస్తే...
అమెరికాలో కృష్ణా జిల్లాకు చెందిన సాఫ్ట్‌వేర్ ఇంజనీర్ దుర్మరణం పాలయ్యాడు. కారు రిపేర్ చేస్తుండగా జరిగిన ప్రమాదంలో ఈ టెక్కీ మృత్యువాతపడ్డాడు. తాజాగా వెలుగులోకి వచ్చిన ఈ వివరాలను పరిశీలిస్తే...
అమెరికాలోని పిట్స్ బర్గ్ ప్రాంతంలో కృష్ణా జిల్లా ముదినేపల్లికి వల్లభనేని హరీష్ (42) అనే వ్యక్తి సాఫ్ట్‌వేర్ ఇంజనీర్‌గా పని చేస్తున్నాడు. ఈయన... బయటకు వెళ్లేందుకు కారు స్టార్ట్ చేయగా అది స్టార్ట్ కాలేదు. దీంతో బోనెట్ పైకెత్తి పరీక్షిస్తుండగా కారు ఒక్కసారిగా ముందుకు దూకింది. దీంతో ఆయన కిందపడి పోవడంతో కారు అతని ఛాతీ మీదుగా దూసుకెళ్లి ప్రాణాలు కోల్పోయాడు.
కారు పార్కింగ్ చేసివున్న ప్రాంతంలో ముందుభాగం బాగా డౌన్ ఉండటంతోనే కారు ఒక్కసారి ముందుకు దూసుకొచ్చి ఈ ప్రమాదం జరిగింది. ఈ దారుణ ఘటన జరగడానికి గంట ముందే అతను భారత్‌లోని తన కుటుంబ సభ్యులతో మాట్లాడారని చెబుతున్నారు. ఈ విషయం తెలుసుకున్న ఆయన కుటుంబ సభ్యులు విషాదంలో మునిగిపోయారు.
