ఫేస్‌బుక్ పరిచయం ఓ యువతి ప్రాణాలను బలి తీసుకుంది. తాజాగా ఎఫ్‌బీ ద్వారా వేధింపులకు గురైన యువతి వేధింపులు తాళలేక ఆత్మహత్యకు పాల్పడింది. వివరాల్లోకి వెళితే.. సత్యసాయి జిల్లా తనకల్లు మండలంలోని ఓ గ్రామానికి చెందిన యువతి (18) ఉరివేసుకుని ఆత్మహత్యకు పాల్పడింది.
నల్లచెరువుకు చెందిన యువకుడు ఫేస్‌బుక్‌లో పరిచయమై వేధిస్తున్నాడని.. తన చావుకు అతనే కారణమని యువతి సెల్ఫీ వీడియోలో తెలిపింది. ఈ విషయం తెలిసి తన తల్లిదండ్రులు ఎంతో బాధపడుతున్నారని పేర్కొంది.
అనంతరం ఇంట్లో ఉరి వేసుకుని ఆత్మహత్యకు పాల్పడింది. ఈ మేరకు కుటుంబ సభ్యులు స్థానిక పోలీసులకు ఫిర్యాదు చేశారు. యువతి తీసుకున్న సెల్ఫీ వీడియో వైరల్‌గా మారింది.
