ఏపీ మంత్రి కొడాలి నానికి టీడీపీ మహిళా నేత, మాజీ ఎమ్మెల్యే వంగలపూడి అని వార్నింగ్ ఇచ్చారు. కొడాలి నాని నోరు అదుపులో ఉంచుకోవాలంటూ హెచ్చరించారు. టీవీల్లో మంత్రి కొడాలినాని ప్రెస్‌మీట్‌ వస్తే చిన్నపిల్లలు ఉన్న ఇళ్లలో చానళ్లు మారుస్తున్నారని గుర్తుచేశారు.
ఆయన వాడుతున్న భాషేంటి, మాట్లాడుతున్న మాటలు ఏంటి? అమరావతికి అంతర్జాతీయంగా చంద్రబాబు ఒక బ్రాండింగ్‌ ఇమేజ్‌ తీసుకువస్తే దానికి బీటలు వార్చింది జగన్ కాదా? చంద్రబాబు పాలనలో నిరంతరం పనులు జరుగుతూ కార్మికులతో కలకళలాడిన రాజధాని ప్రాంతాన్ని 6 నెలల్లోనే అడవిలా మార్చింది జగన్ కాదా? అంటూ మండిపడ్డారు.
జగన్ అమరావతిని నిర్లక్ష్యం చేస్తుంటే కొడాలినాని ఏం చేస్తున్నారు. గుడ్డిగుర్రానికి పళ్లు తోమున్నారా? అమరావతిలో కుక్కలు, పందులు తిరుగుతున్నాయని ఆయన అంటున్నారు. కానీ ఆయనే రోజుకోసారి సచివాలయానికి వెళ్లివస్తున్నారు. మరి ఆయన ఏంటి? రాజధానిలో ఐదేళ్లు చంద్రబాబు ఏం చేశారని అంటున్నారు. ఐదేళ్లలో సగం సమయం రాజధానిని అడ్డుకునేందుకు వైసీపీ చేసిన కుట్రలు, వేసిన కేసులను ఎదుర్కోవడానికి సరిపోయిందని వ్యాఖ్యానించారు.
