నగరి అసెంబ్లీ స్థానంలో గెలుపుపై బెట్టింగ్‌లు జోరుగా సాగుతున్నాయి. కౌంటింగ్‌కు ఇంకా ఎనిమిది రోజులే మిగిలి ఉండటంతో పంటర్లు రెచ్చిపోతున్నారు. రూ.10 వేల నుంచి రూ.10 లక్షల వరకు బెట్టింగ్ కాస్తున్నారు. పోలింగ్ ముగియగానే విహారయాత్రలకు వెళ్లిన మండల స్థాయి నాయకులు తిరిగి వస్తుండడంతో బెట్టింగ్‌లు ఊపందుకున్నట్లు గుసగుసలు వినిపిస్తున్నాయి.
నగరి సీటును ఈసారి టీడీపీ కైవసం చేసుకుంటుందన్న అంచనాలతో బెట్టింగ్‌లు సాగుతున్నాయి. పోలింగ్ సరళి తర్వాత టీడీపీ వైపు మొగ్గు చూపేందుకు పంటర్లు సిద్ధమవుతున్నారు. దీంతో పుత్తూరు, నగరి, వడమాలపేట, విజయపురం మండలాలకు చెందిన కొందరు నాయకులు పర్వాలేదు అంటూ వైసీపీ నేతలకు చురకలంటిస్తున్నారు.
ఈసారి సోషల్ మీడియా వేదికగా ప్రతి మండలంలో టీడీపీ కూటమి అభ్యర్థి అమరనాథరెడ్డి 3 వేల నుంచి 5 వేల మెజార్టీతో దూసుకుపోతున్నారు. నెర్నపల్లె పంచాయతీలో టీడీపీ ఆధిక్యం సాధిస్తుందని సోషల్ మీడియాలో పోస్ట్ చేయగా.. వైసీపీకి మెజారిటీ రాదని సవాల్ విసిరారు. దీంతో ఇరువర్గాలు మెజారిటీపై పందెం కాసేందుకు కొంగట్టం పంచాయతీకి చెందిన టీడీపీ నాయకుడు ఈసారి ఎన్డీయే కూటమి అధికారంలోకి వస్తుందని రూ.5 లక్షలు పందెం వేయగా, నెర్నపల్లెకు చెందిన వైసీపీ నాయకుడు అది రాదని పందెం కాశారు.
మరో చోట అమరనాథరెడ్డి తన బుల్లెట్‌ను తానే గెలుస్తానని పందెం వేయగా, వైసీపీ నేత తన బుల్లెట్‌ను బెట్టింగ్‌లో పెట్టాడు. రూ.కోటికి పైగానే ఖర్చు చేసినట్లు తెలుస్తోంది. వి.కోట మండలంలో రూ.50 లక్షలు పందెం కాశారు. ఈసారి టీడీపీ అధికారంలోకి వస్తుందని గంగవరంలో రియల్ ఎస్టేట్ వ్యాపారులు లక్షల్లో పందెం కాశారు. ఇలా నియోజకవర్గంలో బెట్టింగ్‌లు జోరుగా సాగుతున్నాయి.
