వైకాపా అధినేత వైయస్ జగన్ మంగళవారం గుంటూరు జిల్లాలోని తెనాలిలో పర్యటించనున్నట్లు ప్రకటించారు. ముగ్గురు యువకుల వివాదాస్పద పోలీసు లాఠీఛార్జ్ సంఘటనలో జాన్ విక్టర్ అనే యువకుడికి తీవ్ర గాయాలు అయినట్లు సమాచారం. దీంతో వైకాపా చీఫ్ జగన్ క్రిమినల్స్‌ను ఓదార్చడానికి వెళ్తున్నారని ప్రకటించడం చర్చనీయాంశమైంది.
గంజా కేసుతో పాటు పలు కేసులున్న క్రిమినల్స్‌ను కలవడం అంత సులభం కాదు. ఈ ఘటనలో పాల్గొన్న యువకులపై ఇప్పటికే అనేక క్రిమినల్ కేసులు ఉన్నాయి. వాటిలో ఒక పోలీసు కానిస్టేబుల్‌పై దాడి చేసినందుకు కూడా ఒకటి ఉంది.
ఈ సంఘటన దాదాపు వారం క్రితం జరిగినప్పటికీ, జగన్ ఆలస్యంగా స్పందించడం ఇప్పుడు విమర్శలకు దారితీస్తోంది. ఈ నేపథ్యంలో ఏపీ హోం మంత్రి వంగలపూడి అనిత జగన్ చర్యను ఖండించారు. గాయపడినవారు అమాయక బాధితులు కాదని, మాదకద్రవ్యాల కార్యకలాపాలతో సంబంధం ఉన్న నేర నేపథ్యం ఉన్న వ్యక్తులు అని పేర్కొన్నారు. అటువంటి వ్యక్తుల పట్ల సానుభూతి చూపడం ద్వారా జగన్ ప్రజలకు ఎలాంటి సందేశం పంపుతున్నారని ప్రశ్నించారు.
"పోలీసులపై దాడి చేసే వారిని శిక్షించడానికి బదులుగా సానుభూతి చూపాలా?" అని ఆమె అడిగారు. తెనాలిలో పోలీసులు కొట్టింది రౌడీ షీటర్లను, గంజాయి బ్యాచ్‌ని అలాంటి వాళ్లకు న్యాయ స్థానాల కంటే ముందే పోలీసులు శిక్ష వేశారని మంత్రి అన్నారు. పోలీసులు యాక్షన్ తీసుకోలేదు అంటారు, ఒక అడుగు ముందుకు వేసి యాక్షన్ తీసుకుంటే విమర్శిస్తారు.. ఇదేంటి అంటూ ప్రశ్నించారు.
మరోవైపు ఏపీలోని అధికార ఎన్డీఏ ప్రభుత్వం జగన్ పర్యటనను ఎలా ఎదుర్కోవాలో వ్యూహరచన చేస్తున్నట్లు కనిపిస్తోంది. నిందితులకు మద్దతు ఇవ్వడం వల్ల తప్పుడు రాజకీయ సందేశం వస్తుందని, ప్రజల సానుభూతి కోసం జగన్ నాటకమాడుతున్నారని వారు వాదిస్తున్నారు.
