తిరుపతిలో చెడ్డీ గ్యాంగ్ కలకలం రేపింది. శుక్రవారం అర్థరాత్రి దాటిన తరువాత నగరంలో చెడ్డీగ్యాంగ్‌ హల్‌చల్‌ చేశారు. తిరుపతి - రేణిగుంట మార్గంలోని మారుతీ సుజుకి షోరూమ్‌లో చోరీకి యత్నించారు.
ముగ్గురు దొంగలు షోరూమ్‌ వెనుక వైపు తలుపు పగులగొట్టి షోరూమ్‌లోకి చొరబడ్డారు. రాడ్లు, ఆయుధాలు చేతపట్టుకుని షోరూమ్‌ అంతటా గాలించారు.
ఈ దృశ్యాలు షోరూమ్‌లోని సీసీ కెమెరాల్లో రికార్డయ్యాయి. ఐతే షోరూమ్‌లో విలువైనవేవీ దొరకకపోవడంతో చెడ్డీగ్యాంగ్‌ వెనుదిరిగింది.
తిరుపతి అలిపిరి పోలీసులు చెడ్డీగ్యాంగ్‌ కోసం గాలింపు చర్యలు చేపట్టారు. తిరుపతిలోని పోలీస్‌ స్టేషన్లు, అధికారులనే కాకుండా జిల్లా పోలీసులను, ప్రజలను అప్రమత్తం చేశారు.
